Coronavirus / સ્વાર્થી મિત્રતા : ભારતે દવા નિકાસ પર મંજૂરી આપતા ટ્રંપના સૂર બદલાયા, હવે કર્યા વખાણ

• ટ્રમ્પે ફરી નિવેદન આપી મોદી અને ભારતના વખાણ કર્યા
• ટ્રમ્પને દવા મળતા સૂર બદલાયા
• ગુજરાતની 3 કંપનીઓ અમેરિકાને હાઈડ્રોક્સીક્લોરોક્વીન સપ્લાય કરશે

હાઈડ્રોક્સીક્લોરોક્વીન મુદ્દા પર અમેરિકાની ન્યૂઝ ચેનલ ફોક્સ ન્યૂઝમાં જણાવતા ડોનાલ્ડ ટ્રમ્પે ભારત સાથે સમગ્ર વિવાદ પર વાત કરી છે. ડોનાલ્ડ ટ્રમ્પે કહ્યું કે અમે વિદેશથી ઘણી દવાઓ મંગાવી રહ્યા છીએ. આને લઈને મે પીએમ નરેન્દ્ર મોદી સાથે પણ વાત કરી કેમ કે ભારતથી પણ દવાઓ આવી રહી છે.

ટ્રમ્પે કર્યા ફરી વખાણ

ડોનાલ્ડ ટ્રમ્પે આ વાતચીતમાં કહ્યું કે મે પીએમ મોદીને પુછ્યુ કે શુ તમે પેલી દવા આપશો? તેઓ મજેદાર હતા. ભારતે પોતાની જરુરીયાત માટે હાઈડ્રોક્સીક્લોરોક્વીન દવાની નિકાસ પર પ્રતિબંધ લગાવ્યો હતો. જોકે તેઓ સાચા હતા.

અભી બોલા અભી ફોક જાણો શુ કહ્યું હતુ ટ્રમ્પે

ઉલ્લેખનીય છે કે 24 કલાક પહેલા આ દવાની ફરી માંગણી કરી ભારતને ધમકી આપી દીધી હતી.  ટ્રમ્પે કહ્યું હતુ કે  ભારત હાઇડ્રોક્સીક્લોરોક્વીન દવાની નિકાસ પર નો પ્રતિબંધ હટાવી દે. નહીંતર પરિણામ માટે તૈયાર રહે. એ બાદ ભારતમાં વિવાદ થયો હતો વિપક્ષે પણ કહી દીધુ હતુ કે સરકાર કોઈ દબાણમાં કામ ન કરે. 

ભારતે દવાના સપ્લાયની મંજૂરી આપી દીધી છે

ઉલ્લેખનીય છે કે ડોનાલ્ડ ટ્રમ્પના નિવેદનથી વિવાદ થયો હતો. ત્યારે વિદેશ મંત્રાલય તરફથી જવાબ આપવામાં આવ્યો હતો કે અમારી પહેલી જવાબદારી દેશની છે. દેશમાં સ્ટોક રાખવાની છે. એ બાદ જે દેશોમાં પરિસ્થિતિ ગંભીર છે તેમને મદદ કરાશે. આ બાદ ગુજરાતના મુખ્યમંત્રી વિજય રુપાણીનું નિવેદન આવ્યુ હતું કે ગુજરાતની 2 કંપનીઓ અમેરિકાને હાઈડ્રોક્સીક્લોરોક્વીન દવાનો સપ્લાય મોકલશે.