નિવેદન / વિદાય થવાના થોડાં સમય પહેલાં જ ટ્રમ્પ ફરી થયા નારાજ, જુઓ પત્રકારે પૂછેલાં જવાબમાં શું કહ્યું

• હાર્લી ડેવિડસન પર ઈમ્પોર્ટ ડ્યૂટીને લઈને અમેરિકા નારાજ
• ગત વર્ષે પણ ટ્રમ્પે કેટલીય વખત ટૅરિફ ઓછા કરવાની માંગ કરી હતી

એક પત્રકારના સવાલનો જવાબ આપતા કહ્યું અમેરિકી રાષ્ટ્રપતિએ કહ્યું કે ભારત અમેરિકા સાથે ન્યાય નથી કરી રહ્યું. તેમણે કહ્યું ભારત અમારા પર ઘણો વધારે ટૅરિફ લગાવે છે અને હાર્લી ડેવિડસન તેનું ઉદાહરણ છે. ઈમ્પોર્ટ ડ્યુટીને લઈને અમેરિકાએ ગત દિવસોમાં સવાલ ઉઠાવ્યા હતાં. 

જ્યારે ટ્રમ્પે ભારતને કહ્યું હતું ટૅરિફ કિંગ

તેમણે કહ્યું કે અમે જ્યારે હાર્લી ડેવિડસન મોકલીએ છીએ તો ભારત તેના પર ભારે ટૅરિફ લગાવે છે. પરંતુ ભારત જ્યારે પોતાની બાઈક મોકલે છે તો અમે કોઈ ટૅરિફ નથી લગાવતાં. ભારત જે અમારી સાથે કરી રહ્યું છે તે ઠીક નથી. ભલાઈ બંને તરફથી હોવી જોઈએ. ઉલ્લેખનીય છે કે ગયા વર્ષે જ આ મામલે ટ્રમ્પે ભારતને ટૅરિફ કિંગ કહ્યું હતું. 

હાર્લી ડેવિડસન પર ટૅરિફનો ઉલ્લેખ

હકીકતમાં દુનિયામાં સૌથી શાનદાર બાઈક્સમાં ગણતરી થતાં હાર્લી ડેવિડેસનના મુદ્દે વર્ષોથી અમેરિકાની ફરિયાદ રહી છે. ગત વર્ષે ટ્રમ્પનું કહેવું હતું કે ભારતનો નિર્ણય અમને મંજૂર નથી અને હાર્લી ડેવિડસન પર 50 ટકા ટૅરિફ પણ મંજૂર નથી. ભારતે હાર્લી ડેવિડસન પર 100 ટકા ટેરિફ લગાવ્યું હતું પરંતુ બાદમાં જ્યારે મોદી-ટ્રમ્પ વચ્ચે વાતચીત થઈ તો ટૅરિફ 50 ટકા નક્કી કરાયો હતો. 

ટ્રેડ ડીલ માટે હજુ પણ જોવાઈ રહી છે રાહ

મહત્વનું છે કે ભારત અને અમેરિકા વચ્ચે છેલ્લાં ઘણાં સમયથી ટ્રેડ ડીલને લઈને કોશિશો થઈ રહી છે. પરંતુ વાત આગળ વધી નથી રહી. દુનિયાભરમાં ચાલી રહેલા મંદીના માહોલની વચ્ચે ટ્રેડ ડીલ ભારત માટે બૂસ્ટ સાબિત થઈ શકે છે.

જો કે ટ્રમ્પે ભારતીય કંપનીઓને લઈને કહ્યું છે કે તેઓ તેમના રોકાણથી લઈને સંતુષ્ટ છે. તેમણે પોતાના ભારત પ્રવાસને લઈને કહ્યું કે આટલું સન્માન કોઈ રાષ્ટ્રધ્યક્ષને નથી મળ્યું.