IPLIN
 

ન્યૂયૉર્ક / ઇમરાને કહ્યું- ભારત વાતચીત માટે તૈયાર નથી, ટ્રમ્પે કહ્યું- બન્ને દેશોની સહમતિ જરૂરી

Team VTV 11:13 PM, 23 Sep 19 | Updated: 11:29 PM, 23 Sep 19
Follow us
Donald Trump meets Pakistan PM Imran Khan in New York

ન્યૂયૉર્કમાં પાકિસ્તાનના વડાપ્રધાન ઇમરાન ખાન અને અમેરિકામાં રાષ્ટ્રપતિ ડોનાલ્ડ ટ્રમ્પ વચ્ચે બેઠક યોજાઇ હતી. જેમાં ઈમરાન ટ્રમ્પ વચ્ચે કાશ્મીર મુદ્દે ચર્ચા થઇ હતી. ટ્રમ્પ સાથે બેઠકમાં ઈમરાને કાશ્મીર મુદ્દો ઉઠાવવાનો પ્રયાસ કર્યો હતો.

  • પાકિસ્તાનના પીએમ ઇમરાન ખાન અને ડોનાલ્ડ ટ્રમ્પની મુલાકાત
  • ટ્રમ્પે કહ્યું- ભારત સાથે મારા સારા સંબંધ
  • ઈમરાન ખાને બેઠકમાં કાશ્મીરનો મુદ્દો ઉઠાવ્યો

ન્યૂયૉર્કમાં પાકિસ્તાનના પ્રધાનમંત્રી ઈમરાન ખાન અને અમેરિકાના રાષ્ટ્રપિત ડોનાલ્ડ ટ્રમ્પ વચ્ચે મુલાકાત થઇ છે. ટ્રમ્પ સાથે મુલાકાત દરમિયાન ઈમરાન ખાને કહ્યું કે ભારત વાતચીત કરવા માટે તૈયાર નથી. ઈમરાન ખાને કહ્યું કે આ એક મોટા સંકટની શરૂઆત છે. આ મામલાના ઉકેલ માટે અમેરિકા તરફ જોઇએ છીએ.

ટ્રમ્પે કહ્યું- ભારત સાથે મારા સારા સંબંધો

ન્યૂયૉર્કમાં ઈમરાન ખાને કાશ્મીરનો મુદ્દો ઉઠાવ્યો પરંતુ ટ્રમ્પ એજ વાત પર અડગ રહ્યા કે જો બન્ને પક્ષ રાજી થશે તો જ મધ્યસ્થતા કરશે. ટ્રમ્પે કહ્યું કે, PM મોદી અને ઈમરાન સાથે સારા સંબંધો છે.(ઈમરાન અને ટ્રમ્પ વચ્ચે કાશ્મીર મુદ્દે ચર્ચા થઈ) ટ્રમ્પે કહ્યું કે, બંને દેશો ઈચ્છશે તો મધ્યસ્થી માટે તૈયાર. ટ્રમ્પ સાથે બેઠકમાં ઈમરાને કાશ્મીર મુદ્દો ઉઠાવવાનો પ્રયાસ કર્યો હતો.

ટ્રમ્પે કહ્યું કે, ઈમરાન સાથે તાલિબાન મુદ્દે ચર્ચા થઇ. મધ્યસ્થતા માટે ભારત તૈયાર થાય તે જરૂરી છે. એકલા ઈમરાનનું તૈયાર થવાથી કઈ નહીં થાય. વાતચીત બન્ને દેશોની સહમતિ પર થશે.

ઇસ્લામિક આતંકવાદ મુદ્દે ડોનાલ્ડ ટ્રમ્પ ભારત સાથેઃ PM મોદી

ભારતના વડાપ્રધાન નરેન્દ્ર મોદીએ અમેરિકામાં કહ્યું કે, ઇસ્લામિક આતંકવાદ સામેની લડાઇમાં ડોનાલ્ડ ટ્રમ્પ પૂર્ણ રીતે ભારતની સાથે છે. સાથે જ પીએમ મોદીએ આ મંચ દ્વારા કાશ્મીરના મુદ્દા પર દખલ આપવા માટે પાકિસ્તાન પર નિશાન સાધ્યું. એમણે કહ્યું કે જે પોતાનું ઘર સંભાળી શકતા નથી, તે આર્ટિકલ 370 હટાવવા પર વાંધો ઉઠાવી રહ્યા છે. 

Donald Trump pakistan Imran khan New York પાકિસ્તાન અમેરિકા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ