દુનિયામાં કોરોના વાયરસની મહામારીને લઇને જંગ છેડાયેલી છે. અમેરિકા કોરોનાને લઇને સતત ચીનને જવાબદાર ઠેરવી રહ્યું છે. અમેરિકાના રાષ્ટ્રપતિ ડોનાલ્ડ ટ્રમ્પે વિશ્વ સ્વાસ્થ્ય સંગઠન પર પણ પક્ષપાત કરવાનો આરોપ લગાવ્યો છે. ટ્રમ્પનું માનવું છે કે આ જીવલેણ વાયરસ ચીનના વુહાન લેબમાંથી નીકળ્યો છે. આ વચ્ચે અમેરિકામાં થઇ રહેલી મોતને લઇને ગુસ્સે ભરાયેલા ટ્રમ્પ તંત્રએ હવે ચીનને મોટો ઝટકો આપવાની તૈયારી કરી લીધી છે.
સૂત્રોને મળતી માહીતી મુજબ એક રિપોર્ટમાં જણાવામાં આવ્યું છે કે ટ્રમ્પ પ્રશાસને કોરોના વાયરસની મહામારી માટે ઘણા મોરચાઓ પર ચીનને પછાડવા માટે એક લાંબા સમયની યોજના તૈયાર કરી રહ્યું છે. જેમાં ઘણા કડક પગલાં લેવાનો વિચાર કરવામાં આવી રહ્યો છે.
તંત્રના અંદરના સૂત્રો પાસેથી મળેલી જાણકારી મુજબ અમેરિકા તરફથી ચીન પર પ્રતિબંધ સહિત બીજા પગલાઓ લેવામાં આવી શકે છે.
આ બધા સિવાય ચીનના જે મામલાઓમાં અમેરિકાની ભૂમિકા છે ત્યાં બધા પર અમેરિકા વિચાર કરી રહ્યું છે.
અહેવાલમાં જણાવ્યા અનુસાર વહીવટી અધિકારીએ નામ જાહેર ન કરવાની શરતે કહ્યું કે અમારે ફરીથી અર્થવ્યવસ્થામાં સુધારો કરવો પડશે, અમારે એ અંગે સાવધાન રહેવું પડશે કે અમે તે કેવી રીતે કરીએ. પરંતુ અમે ચીનને પાઠ ભણાવવા માટેના અમે રસ્તાઓ શોધીશું કે તેમનું કાર્ય ખરેખર નિંદા લાયક છે. જો કે આ ક્યારે અને કેવી રીતે કરવામાં આવશે તે અંગે અમને જણાવામાં આવ્યું નથી.
ગુપ્ત એજન્સી પર પર પણ દબાવ
બીજી તરફ ગુપ્તચર વિભાગ પર પણ તંત્ર તરફથી ભારે દબાણ છે કે આ વાયરસ ચીનના વુહાનની પ્રયોગશાળામાંથી જ નીકળ્યો છે કે તેને લઇને કોઇ બીજી વાત છે. તંત્રના અધિકારીઓ પર સતત દબાણ કરવામાં આવી રહ્યું છે કે આ અંગે જલ્દી થી જલ્દી શોધ કરવામાં આવે.
જો કે એખ અદ્દભૂત નિવેદનમાં ગુપ્તચર વિભાગે એટલું જરૂરીથી કહ્યું કે અમે આ મામલેના સંશાધનોમાં વધારો કરી રહ્યાં છે, કારણ કે અમે કોઇપણ ભોગે આ કરીશું. USIC એ પોતાના નિવેદનમાં જણાવ્યું છે કે અમે સૂચનાઓનું કડકપણે પાલન કરી રહ્યાં છે. એટલે કે એ તાત્કાલિક જાણ થાય કે આ સંક્રમિત કોઇ પશુ દ્વારા કે પછી વુહાનની એક પ્રયોગશાળાના માધ્યમથી ચીને આ કામ કર્યું છે.
ટ્રમ્પે ચીનના મુદ્દાને ચૂંટણી સાથે જોડ્યો
બીજી તરફ ડોનાલ્ડ ટ્રમ્પના સતત ચીન પર આકરા પ્રહાર ચાલુ છે. ટ્રમ્પે ગુરુવારે વ્હાઇટ હાઉસમાં પત્રકારોને સંબોધતા કહ્યું કે ચીન તેમને ફરીથી રાષ્ટ્રપતિ તરીકે જોવા માગતું નથી, કારણ કે અમેરિકાએ તેના વેપારના માધ્યમથી ઘણો લાભ મેળવી રહ્યું છે. આ સાથે ટ્રમ્પ પોતાના વિપક્ષ ઉમેદવાર બિડેન પર નિશાન સાધતા કહ્યું કે ચીન 'સ્લીપી જો બિડેન' ને જોવા માગે છે.
અમેરિકાના વિદેશ મંત્રી માઇક પોમ્પિયોએ ગત સપ્તાહમાં જણાવ્યું હતું કે મને પૂરો વિશ્વાસ છે કે ચીનની કમ્યૂનિસ્ટ પક્ષે જે પણ કર્યું છે, તેના માટે એક કિંમત ચૂકવવી પડશે અને અમેરિકા સાથે નિશ્ચિત રીતે ચુકવવી પડશે.