IPLIN
 

મેદાનમાં જોવા જેવી થઈ / VIDEO : ચેન્નઈમાં ચાલુ મેચમાં અચાનક બન્યું એવું કે મચી બૂમરાણ, મેચ બંધ રાખવી પડી, રોહિત હસી-હસીને થાક્યો

Team VTV 10:02 PM, 22 Mar 23
Follow us
Dog Enters Field, Rohit Sharma Breaks Into Laughter As Groundsmen Chase

ચેન્નઈમાં ભારત અને ઓસ્ટ્રેલિયાની વચ્ચેની અંતિમ વનડેમાં એક એવી ઘટના બની કે જેને કારણે મેચ બંધ રાખવી પડી હતી અને બધા હસી પડ્યાં હતા.

  • ચેન્નઈમાં ભારત ઓસ્ટ્રેલિયા ત્રીજી વનડેમાં બની અણધારી ઘટના
  • અચાનક મેદાનમાં ઘુસી આવ્યો કૂતરો
  • થોડી વાર મેચ બંધ રાખવી પડી
  • રોહિત શર્મા હસતો જોવા મળ્યો, વીડિયો થયો વાયરલ 

ભારત અને ઓસ્ટ્રેલિયા વચ્ચે 3 મેચોની વનડે સીરીઝની નિર્ણાયક મેચ ચેન્નાઇમાં રમાઈ હતી. આ  મેચમાં ઓસ્ટ્રેલિયાની ઈનિંગ વખતે અચાનક એક કૂતરો સ્ટેડિયમમાં ઘુસી આવ્યો હતો જેને કારણે થોડા સમય પૂરતી રમતને બંધ રાખવી દેવી પડી હતી. મેદાનમાં કૂતરો આવતાં સુરક્ષાકર્મીઓ તેને બહાર કાઢવા માટે ભાગ્યાં હતા. કૂતરો પણ જાણે કસોટી કરતો હોય હોય તે આગળ દોડતો રહ્યો હતો અને તેની પાછળ સિક્યુરીટીવાળા પડ્યાં હતા. આખરે તેમણે ખૂબ મહેનતને અંતે કૂતરાને મેદાન બહાર કાઢ્યો હતો. 

રોહિત હસતો દેખાયો
મેદાનમાં ભાગતો કૂતરાને જોઈને રોહિત પણ હસી હસીને બેવડ વળ્યો હતો. બીજા પણ ખેલાડીઓને પણ નવું જોવાનું મળ્યું હોય તેમ હસતાં રહ્યાં હતા. 

સોશિયલ મીડિયા પર વાયરલ થયો વીડિયો 
આ ઘટનાનો એક વીડિયો સોશિયલ મીડિયા પર ખૂબ જ વાયરલ થઇ રહ્યો છે. જો કે સોશિયલ મીડિયા પર વાયરલ વીડિયો પર ફેન્સ સતત પ્રતિક્રિયા આપી રહ્યા છે. ખરેખર તો લાઈવ મેચ દરમિયાન સ્ટેડિયમમાં કોઈ કૂતરો કે અન્ય કોઈ પ્રાણી મેદાનની અંદર આવે તેવું ભાગ્યે જ બનતું હોય છે. 

ઓસ્ટ્રેલિયા તરફથી મિશેલ માર્શે સૌથી વધુ 47 રન બનાવ્યા
મિશેલ માર્શે ઓસ્ટ્રેલિયા તરફથી સૌથી વધુ 47 રન બનાવ્યા હતા. આ સિવાય એલેક્સ કેરી, ટ્રેવિસ હેડ, માર્કસ સ્ટોઇનિસ અને સીન એબોટે અનુક્રમે 38, 33, 25 અને 26 રનનું યોગદાન આપ્યું હતું. આ સાથે જ ભારત તરફથી બોલર કુલદીપ યાદવ અને ઓલરાઉન્ડર હાર્દિક પંડ્યાએ 3-3 વિકેટ લીધી હતી. જ્યારે મોહમ્મદ સિરાજ અને અક્ષર પટેલને 2-2 સફળતા મળી હતી. ભારતીય ટીમે પ્રથમ વન ડે મેચમાં ઓસ્ટ્રેલિયાને હરાવ્યું હતું. જોકે, બીજી મેચમાં ઓસ્ટ્રેલિયાએ શાનદાર વાપસી કરતા ઓસ્ટ્રેલિયાએ બીજી વન ડે મેચમાં ભારતને 10 વિકેટે પરાજય આપ્યો હતો.

IND vs AUS 3rd ODI IND vs AUS 3rd
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ