તમારા કામનું / શું LICની વોટ્સએપ સર્વિસથી થતા આ 11 ફાયદા તમે જાણો છો? નહીં ને તો જાણી લો આ માહિતી

• LIC એ તેના પોલીસી ધારકો માટે એક નવી સુવિધા શરૂ કરી
• હવે LIC એજન્ટના આવવાની રાહ નહીં જોવી પડે
• આ સેવાને કારણે ગ્રાહકોને પડતી મુશ્કેલી ઓછી થઈ જશે

દેશની સૌથી મોટી સરકારી વીમા કંપની લાઇફ ઇન્સ્યોરન્સ કંપની LIC એ તેના ગ્રાહકો એટલે કે પોલીસી ધારકો માટે એક નવી સુવિધા શરૂ કરી છે. જણાવી દઈએ કે LIC એ Whatsapp સેવાની સેવા શરૂ કરી છે અને આ નવી સુવિધા શરૂ થવાથી LICના ગ્રાહકોને ઘણો ફાયદો થશે. જણાવી દઈએ કે હવે લોકોએ દરેક નાના-મોટા કામ માટે LICની ઑફિસની મુલાકાત લેવાની જરૂર નહીં પડે કે LIC એજન્ટના આવવાની રાહ નહીં જોવી પડે, તેમનું દરેક નાનું-મોટું કામ વોટ્સએપ દ્વારા થઈ જશે. 

આ નંબર પર મળશે ઘણી સુવિધાઓ 
જણાવી દઈએ કે LICના ચેરપર્સન એમ.આર કુમારે વોટ્સએપ પર પોલિસીધારકો સાથે પસંદગીની ઇન્ટરેક્ટિવ સેવાઓ શરૂ કરી છે. એટલે કે જે પોલિસીધારકોએ LIC પોર્ટલ પર તેમની પોલિસી રજીસ્ટર કરી છે તે પોલિસી ધારકોએ મોબાઈલ નંબર 8976862090 પર 'Hi' ટેક્સ્ટ કરીને WhatsApp પર આ સેવાઓને એક્સેસ કરી શકશે. આ વોટ્સએપ સેવામાં પોલિસીધારકોને અનેક પ્રકારની સેવાઓ મળવાની છે અને આ સેવાઓને કારણે ગ્રાહકોને પડતી મુશ્કેલી ઓછી થઈ જશે. 

તમને જણાવી દઈએ કે આ વોટ્સએપ સુવિધામાં પોલિસીધારક ચૂકવવાપાત્ર પ્રીમિયમ, બોનસ માહિતી, પોલિસી સ્થિતિ, લોન એલિજિબલિટી કોટશન, જેવી ઘણી સુવિધાઓ મળશે. 

WhatsApp Services પર મળશે આ સુવિધા
પ્રીમિયમ ડ્યુ 
બોનસ માહિતી
પોલિસી સ્થિતિ
લોન એલિજિબલિટી કોટશન
લોન રિપેમેન્ટ કોટશન
લોનઇન્ટરેસ્ટ ડ્યુ 
પ્રીમિયમ પેડ સર્ટિફિકેટ 
ULIP- સ્ટેટમેન્ટ ઓફ યુનિટ્સ
LIC સર્વિસ લિંક્સ
ઓપ્ટ ઇન/ઓપ્ટ આઉટ
End Conversation

ભારતીય જીવન વીમા નિગમના ચેરમેન એમઆર કુમારે આ માહિતી આપી હતી કે LICએ પોતાની WhatsApp સેવા શરૂ કરી છે અને હવે પોલિસી ધારકોની સમસ્યાઓનું નિરાકરણ વોટ્સએપ પર કરવામાં આવશે.