Health Tips / હેલ્ધી બ્રેકફાસ્ટની આદત શરીર રાખે છે એનર્જેટિક! આ ત્રણ વસ્તુઓ ખાતા હોવ તો આજથી જ કરો અવોઈડ

• બ્રેકફાસ્ટમાં આ વસ્તુઓ ખાવાનું ટાળો 
• ઝડપથી વધવા લાગે છે વજન 
• આજથી જ શરૂ કરો નવી ડાયેટ 

બ્રેકફાસ્ટ દિવસનું પહેલું મીલ હોય છે. હેલ્થ એક્સપર્ટ્સનું કહેવું છે કે સવારનો નાસ્તો હેલ્ધી હોવો જોઈએ. જેથી કરીને તમે દિવસભર એક્ટિવ મહેસુસ કરી શકો. ઘણી વખત લોકો વ્યસ્તતાને કારણે બ્રેકફાસ્ટ સ્કીપ કરી દે છે અથવા બ્રેકફાસ્ટમાં કંઈક ઉંધુ સીધુ ખાઈ લે છે. 

જે પાછળથી તેમના સ્વાસ્થ્ય પર ખરાબ અસર કરે છે. લોકોને એ વાતની જાણકારી જરૂર હોવી જોઇએ કે બ્રેકફાસ્ટમાં કઈ વસ્તુઓ ખાવાથી વજન વધી શકે છે અને કઈ વસ્તુ વજન ઘટાડી શકે છે. ચાલો અમે તમને બ્રેકફાસ્ટમાં ખાવાની એવી વસ્તુઓ જણાવીએ જે તમારું વજન વધારી શકે છે. સાથે જ બ્રેકફાસ્ટમાં શું શામેલ કરવું જોઈએ. 

વ્હાઈટ બ્રેડ
ઘણીવાર લોકો સવારના નાસ્તામાં બ્રેડ ખાવાનું પસંદ કરે છે. તે પણ સફેદ બ્રેડ. તે ન ખાવી જોઈએ. તેની જગ્યાએ તમે બ્રાઉન બ્રેડ અથવા પલાળેલા હોલ ગ્રેન ખાઈ શકો છો. તમને જણાવી દઈએ કે વ્હાઈટ બ્રેડ રિફાઈન્ડથી બનેલી હોય છે અને તે કાર્બોહાઈડ્રેટ્સથી ભરપૂર હોય છે, જેને ખાવાથી વજન વધે છે. વ્હાઈટ બ્રેડ ખાવાથી તમને જલ્દી ભૂખ લાગી શકે છે કારણ કે તે જલ્દી પચી જાય છે. તેથી તેને ખાવાનું આજથી જ બંધ કરી દો.

પરોઠા ના ખાવ 
આરોગ્ય નિષ્ણાંતો માને છે કે સવારનો નાસ્તો હેલ્ધી હોવો જોઈએ. માટે નાસ્તામાં ક્યારેય તમારે ઓઈલી વસ્તુઓ ન ખાવી જોઈએ. મોટાભાગના લોકો દિવસની શરૂઆત પરાઠાથી કરે છે. આ તમારા વજનને ખૂબ અસર કરશે અને વજનમાં વધારો કરી શકે છે. જો તમે હજુ પણ નાસ્તામાં પરાઠા ખાવાનું પસંદ કરો છો, તો તેને ઓછામાં ઓછા તેલ અથવા ઘીમાં બનાવો.

બેક્ડ પ્રોડક્ટ્સ
તમને જણાવી દઈએ કે પ્રોસેસ્ડ લોટથી બનેલી વસ્તુઓમાં ખરાબ ક્વોલિટી વાળા કાર્બોહાઈડ્રેડ હોય છે. તે ન તો ફાયદાકારક છે અને ન તો તેમાં ફાઈબરનું પ્રમાણ વધારે હોય છે. તેથી તેને બ્રેકફાસ્ટમાં સામેલ કરવું યોગ્ય નથી.