રાજનીતિ / 'હિંદુઓ છે ત્યાં સુધી તમે અછૂત જ રહેવાના', DMK સાંસદ એ રાજાના નિવેદનથી પેદા થયો મોટો વિવાદ

• તામિલનાડુના DMK સાંસદની હિન્દુ અને અછૂત પર વિવાદાસ્પદ ટિપ્પણી
• ભાજપના પ્રદેશ અધ્યક્ષ કે.અન્નામલાઈએ વીડિયો જારી કર્યો 
• કહ્યું જ્યાં સુધી હિંદુઓ છે ત્યાં સુધી અછૂત રહેવાના
• ભાજપે આ મામલે તુષ્ટિકરણનો લગાવ્યો આરોપ 

તામિલનાડુના સાંસદ એ રાજાએ આ નિવેદન સાથે ફરી એકવાર નવો વિવાદ ઊભો કર્યો છે. આ વખતે તેમણે 'હિન્દુ' અને 'અસ્પૃશ્ય' વિશે એક ટિપ્પણી કરી છે. ભાજપના પ્રદેશ અધ્યક્ષ કે.અન્નામલાઈ ટ્વિટર પર વીડિયો શેર કર્યો છે જેમાં એ રાજા હિંદુઓ અને અછૂત પર વિવાદાસ્પદ ટીપ્પણી કરી રહેલા જોઈ શકાતા હતા.  વીડિયોમાં રાજા એક કાર્યક્રમ દરમિયાન હિંદુત્વ પર સવાલ ઉઠાવતા નજરે પડે છે. વીડિયો મુજબ રાજા કહી રહ્યા છે કે, "તમે લોકો જ્યાં સુધી હિન્દુ છો ત્યાં સુધી જ શુદ્ર છો. જ્યાં સુધી તમે શૂદ્ર છો ત્યાં સુધી તમે વેશ્યાઓના પુત્રો છો. જ્યાં સુધી તમે હિન્દુ છો ત્યાં સુધી જ તમે દલિત છો. જ્યાં સુધી તમે હિંદુ છો, ત્યાં સુધી તમે અસ્પૃશ્ય છો.

Sorry state of political discourse in Tamil Nadu. @arivalayam MP has yet again spewed hatred against one community with the sole aim of appeasing others.

Very very unfortunate mindset of these political leaders who think they own Tamil Nadu. pic.twitter.com/UntspDKdQ3

— K.Annamalai (@annamalai_k) September 12, 2022

રાજાએ સુપ્રીમ કોર્ટ પર પણ સવાલ ઉઠાવ્યા 
વીડિયોમાં રાજાએ સુપ્રીમ કોર્ટ પર પણ સવાલ ઉઠાવ્યા હતા. "સુપ્રીમ કોર્ટ કહે છે કે જો તમે ખ્રિસ્તી, મુસ્લિમ અથવા પારસી નથી, તો તમે હિન્દુ હશો. આવો અત્યાચાર તમે બીજા કોઈ દેશમાં જોયો છે? તેમણે લોકોને સનાતન ધર્મને પડકારવા માટે જાતિવાદના મુદ્દાઓ પર અવાજ ઉઠાવવા જણાવ્યું હતું. તેમણે કહ્યું કે, ડીએમકે અને તેના મુખપત્ર મુરસોલીમાં આ મુદ્દો ઉઠાવવાનો સમય આવી ગયો છે.

ભાજપ ડીએમકે પર લગાવ્યો તુષ્ટિકરણની રાજનીતિનો આરોપ 
ભારતીય જનતા પાર્ટીએ આ મામલાનો એક વીડિયો શેર કર્યો છે. તેમણે દ્રવિડ મુનેત્ર કઝગમ પર તુષ્ટિકરણની રાજનીતિનો પણ આરોપ લગાવ્યો છે. રાજા મુખ્યમંત્રી એમકે સ્ટાલિનની પાર્ટીથી સાંસદ છે. ઉલ્લેખનીય છે કે એ રાજા 2જી કૌભાંડના મુખ્ય આરોપી છે. આ અગાઉ પણ તેમણે અનેક વાર વિવાદાસ્પદ નિવેદનો આપ્યાં હતા.