ધનતેરસ અને દિવાળીનો તહેવાર હવે નજીક આવી ગયો છે ત્યારે દર વર્ષની જેમ આ વખતે પણ લાખો લોકો આ શુભ દિવસોમાં સોના-ચાંદીની શોપિંગ કરશે. ત્યારે આ ખરીદીને એક રોકાણની દ્રષ્ટિએ જોઇએ તો આ વર્ષે ખરીદેલ સોનું-ચાંદી આવતા વર્ષે તમને કેટલો ફાયદો અપાવશે એટલે કે કેટલું રિટર્ન આપશે એ જાણવું પણ જરૂરી છે.
આવતાં વર્ષે દિવાળી પર રિર્ટન વધવાની સંભાવના
સોનાં-ચાંદીના રોકાણમાં પણ ફાયદો
સૌથી વધુ નિફ્ટીમાં રોકાણ ફાયદાકારક
નવી દિલ્લી: દિવાળી અને ધનતેરસનાં દિવસોમાં સોના-ચાંદીના સિક્કાથી માંડીને ભારે ઘરેણાં ખરીદવાનું લોકો શુભ માને છે ત્યારે મોટાભાગનાં લોકો આ સમયગાળા દરમિયાન થયેલી સોના- ચાંદીની ખરીદીને રોકાણની દ્રષ્ટિએ લાભદાયી માને છે. ત્યારે આ વર્ષે ખરીદેલ સોનાં-ચાંદી તમને આવતાં વર્ષે તમને કેટલું રિટર્ન આપી શકશે તે જાણીએ.
કોમોડિટી એક્સપર્ટે આપી એડવાઇઝ
કોમોડિટી એક્સપર્ટ અને કેડિયા એડવાઇઝરએ ડાઇરેક્ટર અજય કેડિયાનું કહેવું છે કે જો પાછળનાં અમુક વર્ષોનું ટ્રેડ જોઇએ તો સોનાંમાં આશરે 10% જેટલું વાર્ષિક રિટર્ન મળે છે. એટલે કે કોઇ વ્યક્તિએ જો 1 લાખ રૂપિયાનું સોનું ખરીદ્યું છે તો વાર્ષિક રિટર્ન 1.10 લાખ રૂપિયા થશે. જો આપણે પાછળનાં 5 વર્ષનું સમીકરણ જાણીએ તો વાર્ષિક 9.5% જેટલું રિટર્ન મળ્યું છે એટલે કે જો કોઇ વ્યક્તિ પાંચ વર્ષ સુધી દરેક વર્ષે એક લાખનું સોનું ખરીદે છે તો તેનું 5 લાખનું રોકાણ છઠ્ઠે વર્ષે 6.62 લાખ જેટલું રિટર્ન આપશે.
છેલ્લા પાંચ વર્ષોમાં સોનાએ પોઝિટિવ રિટર્ન આપે છે
જો છેલ્લા પાંચ વર્ષનું સરેરાશ રિટર્ન જોઇએ તો સોનાં ચાંદીના રિટર્નમાં પોઝિટિવ ગ્રાફ જોવા મળે છે .જો કે કોરોનાકાળમાં સપ્લાય બંધ હોવાને લીધે કિંમતો ઘણી ઊંચે ચડી હતી અને આ વર્ષે પણ યૂક્રેન રશિયા યુદ્ધને લીધે કિંમતો પર દબાણ છે. જો પાછલાં વર્ષની વાત કરીએ તો એક લાખનાં સોનાની ખરીદી પર આ વર્ષે આશરે 6% જેટલું જ રિટર્ન મળ્યું છે.
બજારની તુલના કરીએ તો..
સોનાની તુલનામાં જોન નિફ્ટીમાં રોકાણને જોઇએ તો તમને વધુ રિટર્ન મળી શકે છે. નિફ્ટી ઇન્ડેક્સમાં છેલ્લા પાંચ વર્ષમાં વાર્ષિક 12% જેટલું રિટર્ન મળ્યું છે. તેથી જો કોઇ વ્યક્તિએ 1 લાખનું રોકાણ 5 વર્ષ સુધી નિફ્ટીમાં કરેલ છે તો તેને 5 વર્ષનું કુલ રિટર્ન મળાવીને 7.10 લાખ રૂપિયાનું મળશે એટલે કે 50 હજારનું વધુ રિટર્ન મળશે.
નિફ્ટીમાં જોખમ સોનાં કરતાં ઓછું
નિફ્ટીમાં થતાં જોખમ પર જો ધ્યાન આપીએ તો છેલ્લાં પાંચ વર્ષોમાં સોનાં કરતાં સારું પર્ફોમન્સ નિફ્ટીમાં જોવા મળે છે. જો આ જ રકમને આપણે 10 વર્ષ માટે નિફ્ટીમાં રોકીએ છીએ તો 12% વાર્ષિક રિર્ટન મળે છે અને સોનાનું રિર્ટન 7% જોવા મળે છે.
આવતી દિવાળી સુધી સોનાનાં ભાવ
કમોડિટી એનાલિસ્ટ જતિન ત્રિવેદીનું કહેવું છે કે સોનાનો આઉટલુક આવતાં વર્ષે વધુ સારું રહેશે. જો આ દિવાળી પર ભાવ 54-56 હજાર પ્રતિ 10 ગ્રામ જોવા મળે છે તો આવનારાં વર્ષે 10 ગ્રામ પર 5 હજાર રૂપિયાનો ફાયદો કમાઇ શકાય છે.