અમેરિકાના રાષ્ટ્રપતિ ડોનાલ્ડ ટ્રમ્પે હિન્દુ, જૈન, શિખ અને બૌદ્ધ લોકોને દિવાળીની શુભેચ્છા પાઠવતાં કહ્યું છે કે અમેરિકામાં રોશનીનો આ ઉત્સવ દેશના મૂળ સિદ્ધાંતોના મહત્વનું એક મહત્વપૂર્ણ અનુસ્મારક છે.
દિવાળી પર ટ્રમ્પે લોકોને આપી શુભકામના
ભારતીય-અમેરિકન સાથે ઓફિસમાં કરી ઉજવણી
અમેરિકામાં દિવાળીની ઉજવણી ધાર્મિક સ્વતંત્રતાની યાદ અપાવે છે
અમેરિકાના રાષ્ટ્રપતિ ડોનાલ્ડ ટ્રમ્પે એક દિવસ અગાઉ ઓવલ કાર્યાલય ખાતે ભારતીય-અમેરિકન સાથે દિવાળીની ઉજવણી કરી હતી. જો કે આ કાર્યક્રમને મીડિયા દ્વારા કવર કરવાની પરવાનગી આપવામાં આવી નહોતી.
ડોનાલ્ડ ટ્રમ્પે ભારત, અમેરિકા અને દુનિયા ભરમાં દિવાળીની ઉજવણી પહેલા એક નિવેદન આપતાં કહ્યું હતું કે અમેરિકામાં દિવાળીની ઉજવણી અમારા રાષ્ટ્રના મૂળ સિદ્ધાંતો - ધાર્મિક સ્વતંત્રતાના મહત્વની યાદ અપાવે છે.
અમેરિકાના રાષ્ટ્રપતિએ કહ્યું કે દિવાળીની શરૂઆત પર મેલાનિયા અને હું પ્રકાશના આ ઉત્સવની ઉજવણી કરનારા લોકોના ખુશહાલીથી તહેવારની ઉજવણીની કામના કરુ છું. ટ્રમ્પે કહ્યું આ પવિત્ર સમય દરમિયાન આ ધર્મના લોકો પ્રાર્થના કરે છે, તેમ મિત્રો તેમજ પરિવાર સાથે પારંપારિક ઉત્સવમાં ભાગ લે છે.