ઝળહળતી સિદ્ધિ / 200 મીટર દોડમાં પ્રથમ આવેલી સુરતની દિવ્યાંગ દીકરીના ઘરે દોડી ગયા હર્ષ સંઘવી, જુઓ શું બોલ્યા

• સુરતની દિવ્યાંગ દીકરી 200 મીટર દોડમાં પ્રથમ આવી
• દેવાંશી રીંકુની દિવ્યાંગોના ખેલ મહાકુંભમાં જબરી સિદ્ધિ
• રાજ્યના ગૃહમંત્રી હર્ષ સંઘવી દીકરીના ઘરે મળવા પહોંચ્યા

દિવ્યાંગ દીકરી 200 મીટર દોડમાં આવી પ્રથમ ક્રમે
વરાછા વિસ્તારમાં રહેતા અને મૂળ રાજસ્થાનના વતની પરિવારની 15 વર્ષીય દિવ્યાંગ દીકરી રિન્કુએ જબરી સફળતા હાંસલ કરી છે. રીન્કુએ સરકારના સ્પેશિયલ ખેલ મહાકુંભમાં ભાગ લઈ 200 મીટર દોડમાં પ્રથમ ક્રમ મેળવ્યો છે. આ યશસ્વી સિદ્ધિ બદલ ગૃહ મંત્રી હર્ષ સંઘવી તાત્કાલિક સુરતની દિવ્યાંગ દીકરીના ઘરે દોડી ગયા હતા.પૂરી લગન અને ખંતથી સાચી દિશામાં કરેલી મહેનતને લીધે એક દિવસ સફળતાનો સ્વાદ ચાખવા મળે છે આ વાતને ગુજરાતની દિવ્યાંગ દીકરી રિન્કુએ સાર્થક કરી બતાવી છે.

ચોથા ધોરણથી રિન્કુ લઈ રહી છે સ્પેશિયલ મહાકુંભમાં ભાગ

દિવ્યાંગ દીકરીએ સુરતના વરાછાની સરકારી સુમન હાઈસ્કુલમાં ધો.1થી 8નો અભ્યાસ કર્યો છે. હાલ તે ધો.10માં સુમન-2 શાળામાં અભ્યાસ કરી રહી છે. જ્યાં રીન્કુ સાથે સરકારી શાળામાં 400 જેટલા વિદ્યાર્થીઓ અભ્યાસ કરી રહ્યા છે અને સાત બાળકો દિવ્યાંગ છે હોવાનું શિક્ષકએ જણાવ્યુ હતું. મહત્વનું છે કે, રિન્કુ ચોથા ધોરણથી જ દર વર્ષે સ્પેશિયલ મહાકુંભમાં ભાગ લઈ રહી છે.બીજી તરફ ગૃહરાજ્યમંત્રી હર્ષ સંઘવીએ  દીકરીની આ સફળતા બદલ એક લેખ મારફતે શુભેચ્છા પાઠવી બાદ સુરતના વરાછા વિસ્તારની કમલપાર્ક સોસાયટીમાં ભાડે રહેતા રિન્કુના ઘરે જઈ  તમામને શુભકામનાઓ પાઠવી હતી.

અજાણ્યા અમદાવાદમાં રાત્રે પિતા-પુત્રીની બેલડીને આશરો આપ્યો. જેના પરિણામે વધુ ઉત્સાહ સાથે રીંકુએ ફાઇનલમાં એડી ચોટીનું જોર લગાવીને પડકારોને મ્હાત આપીને શ્રેષ્ઠ પ્રદર્શન દ્વારા જુસ્સાનો વિજય કરાવ્યો.ગોલ્ડ મેડલ જીતીને સાહસિકતાની મિશાલ કાયમ કરી. pic.twitter.com/TZVgJXzsTP

— Harsh Sanghavi (@sanghaviharsh) May 22, 2022

દેવાંશીની સુરતથી અમદાવાદની યાત્રા ગુજરાતીઓ માટે ગૌરવ સમાન 

200 મીટર દોડની ફાઈનલ સ્પર્ધામાં ભાગ લેવા વરાછામાં રહેતા અને મૂળ રાજસ્થાનના રહેવાશી જોરારામ દેવાસી પોતાની 15 વર્ષીય દીકરી રિન્કુ સાથે અમદાવાદ આવતા હતા. આ વેળાએ જોરારામને બસમાં નવીનભાઈનો ભેટો થઇ ગયો હતો. જેથી જોરારામએ નવીનભાઈને અમદાવાદ ક્યારે પહોંચશુ?રિક્ષા ભાડું કેટલુ થાય એવી પૂછપરછ કરી હતી. આ દરમિયાન દીકરી દિવ્યાંગતા ધરાવતી હોવાના કારણે જોરારામના ચહેરા પાર ઉપાધિની લકીર જોવા મળી હતી.જેમાં નવીનભાઈએ પરિસ્થતિ પારખી દીકરી રિન્કુ અને પિતાને લઈને અડધી રાત્રે પોતાના ઘરે લઈ ગયા બાદ રાત્રિ રોકાણ કરાવી સવારે ગુજરાત યુનિવર્સિટી ખાતે સ્પર્ધામાં મૂકવા ગયા હતા. બીજા દિવસે નવીનભાઈને જાણ થઇ કે  દીકરી 70 ટકા મનોદિવ્યાંગતા ધરાવે છે, અને રાજયકક્ષાએ 200 મીટરની સ્પર્ધામાં પ્રથમ નંબર હાંસલ કરીને ગોલ્ડ મેડલ મેળવ્યો છે.