રાજસ્થાનના બારાં શહેરમાં પાંચ દિવસ પહેલા એક યુવકનું મોત થયુ હતુ. આ મામલે કોતવાલી પોલીસે ખુલાસા કરતા કહ્યું કે યુવકની પ્રેમિકાએ યુવકને આત્મહત્યા માટે ઉત્તજીત કર્યો હતો. જેના આરોપ હેઠળ પોલીસે પ્રેમિકાની ધરપકડ કરી છે. યુવક રાજકુમારના પરિવારજનોની ફરીયાદના આધારે પોલીસે હત્યાના આરોપ હેઠળ કેસ નોંધ્યો હતો.
પ્રેમીને પ્રેમ કરવો પડ્યો ભારે
પ્રેમિકાની જીદ આગળ પ્રેમીએ કરી આત્મહત્યા
ફરિયાદના આધારે પોલીસે પ્રેમિકાની કરી ધરપકડ
પ્રેમીકાથી કંટાળી પ્રેમીએ કરી આત્મહત્યા
કોતવાલી પ્રભારી માંગેલાલ યાદવે જણાવ્યું કે 21 સપ્ટેમ્બરે મોતીલાલ કુમ્હારે જિલ્લા ચિકિત્સાલય બારાંમાં એક રિપોર્ટ રજૂ કર્યો હતો. જેમાં ઉલ્લેખ કરવામાં આવ્યો હતો કે મારો પુત્ર રાજકુમાર 20 સપ્ટેમ્બરની રાત્રે લગભગ 12 વાગ્યે ઘરમાંથી નિકળ્યો હતો. રાત્રે 2 વાગ્યે સોનિયા એરવાલ અને તેની સાથે રહેલી એક યુવતી અમારા ઘરે આવી હતી અને માહિતી આપી કે રાજકુમાર મૃત્યુ પામ્યો છે. આ કેસમાં યુવતીના પરિવારજનો પર હત્યાના આરોપ હેઠળ કેસ નોંધી વધુ તપાસ હાથ ધરવામાં આવી છે.
પ્રેમી પ્રેમિકાને કરતો હતો પ્રેમ
પોલીસ તપાસમાં બહાર આવ્યું કે મૃતક રાજકુમાર ઉર્ફે ભાયા તેની બાજુમાં રહેતી યુવતી સોનિયા ઉર્ફે સુનીતા એરવાલને પ્રેમ કરતો હતો. સોનિયા પોતાના પ્રેમી રાજકુમાર સાથે લગ્ન કરવા માંગતી હતી. પરંતુ આશરે 5 મહિના પહેલાં રાજકુમારના બીજી જગ્યાએ લગ્ન થઇ ગયા. જેના કારણે રાજકુમાર અને સુનીતા વચ્ચે ઝગડા થતાં હતા.
આત્મહત્યા માટે પ્રેમ બન્યો કારણભૂત
આ સંદર્ભે 20 સપ્ટેમ્બરે રાત્રે રાજકુમાર તેની પ્રેમિકા સોનિયા ઉર્ફે સુનિતાના ઘરે ગયો હતો. જ્યાં તેઓ ઝગડ્યા હતા. આખરે રાજકુમારે તેની પ્રેમિકાથી કંટાળી તેના ઘરના રૂમમાં જ ગળેફાંસો ખાધો હતો. પોલીસે પ્રેમિને આત્મહત્યા કરવા માટે ઉક્સાવવાના આરોપ હેઠળ સોનિયાની ધરપકડ કરી છે.