OMG! / ઇન્ડીયામાં આવેલી આ 5 જગ્યાઓ છે એવી, જ્યાં છે ભારતીયોને જ પ્રવેશબંધી

ડેક્કન હેરાલ્ડ અનુસાર ચેન્નઇમાં એક હોટલ છે કે જ્યાં માત્ર તેવાં જ ગ્રાહકોને આવવા દેવામાં આવે છે કે જેની પાસે વિદેશી પાસપોર્ટ હોય છે. ભારતીયોને હોટલમાં ન આવવા દેવાનાં નિયમને અહીં કડકાઇથી લાગુ કરવામાં આવેલ છે.

ગોવામાં અનેક સમુદ્રી બીચો પર ભારતીયોને જવાની સખ્ત મનાઇ છે. આ તમામ બીચ વિદેશીઓ માટે જ માન્ય છે. ભારતીયોને પ્રતિબંધિત કરવાનું કારણ પણ આપવામાં આવેલ છે કે અહીં આવનાર વિદેશી પ્રવાસીઓ એવું નથી ઇચ્છતા કે તેઓને બિકનીમાં જોઇને કોઇ ભારતીય સીટી મારે અથવા તો લાઇન મારવાની કોશિશ કરે.

બેંગલુરૂની આ હોટલ પણ ખાસ કરીને જાપાની લોકો માટે જ હતી. આને લઇને એવી ફરિયાદ પણ કરવામાં આવી કે હોટલનો સ્ટાફ ભારતીયોને નથી આવવા દઇ રહ્યો. જેથી બાદમાં નસ્લીય ભેદભાવ કરવા કારણોસર ગ્રેટર બેંગલુરૂ સિટી કોર્પોરેશને આ હોટલને બંધ કરાવી દીધી.

ગોવાની જેમ પુડુચેરીમાં પણ એવાં બીચ છે કે જ્યાં ભારતીયોને નથી જવા દેવામાં આવતા. અહીંનાં રેસ્ટોરન્ટ્સ અને રિઝર્વ બીચ માત્ર વિદેશીઓ માટે જ છે. અહીં જવું હોય તો વિદેશી પાસપોર્ટ દેખાડો અને બીચ પર જઇને ભરપૂર મસ્તી કરો.

હિમાચલ પ્રદેશનાં કસોલમાં એક કાફે છે કે જ્યાં આને લઇને 2015નાં મધ્યમાં વિવાદ સર્જાયો હતો. અહીંનાં માલિકે ભારતીયોને ખાવાનું સર્વ કરવાથી ના કહી દીધી હતી. એવું જણાવવામાં આવી રહ્યું હતું કે, કાફેની બહાર બોર્ડ પણ લગાવી દેવામાં આવ્યું હતું કે ભારતીય લોકોને અહીં આવવા પર મનાઇ છે.