બરોડા ડેરીના પ્રમુખ પદેથી દિનેશ પટેલે ડેરીના બોર્ડ ઓફ ડિરેક્ટર્સને રાજીનામું સોપ્યું, 'છેલ્લા 8 વર્ષમાં મારા પ્રમુખ પદ તરીકે તમામનો સાથ સહકાર મળ્યો તે બદલ આભાર'
Share
બરોડા ડેરીના પ્રમુખ પદેથી દિનેશ પટેલનું રાજીનામું
બરોડા ડેરીના બોર્ડ ઓફ ડિરેક્ટર્સને આપ્યું રાજીનામું
સ્વેચ્છાએ અને રાજીખુશીથી રાજીનામું આપ્યાનું જણાવ્યું
વડોદરાથી મહત્વના સમાચાર સામે આવ્યા છે. બરોડા ડેરીના પ્રમુખ પદેથી દિનેશ પટેલે રાજીનામું ધરી દીધું છે. વિધાનસભાની ચૂંટણીમાં દિનેશ પટેલ ખૂબ જ ચર્ચામાં રહ્યાં હતા અને તેઓ પાદરા બેઠક પરથી અપક્ષ ઉમેદવાર તરીકે ચૂંટણી પણ લડ્યાં હતા.
બરોડા ડેરીના પ્રમુખ પદેથી દિનેશ મામાનું રાજીનામું
બરોડા ડેરીના પ્રમુખ પદેથી દિનેશ પટેલે રાજીનામું આપ્યું છે. તેમણે બરોડા ડેરીના બોર્ડ ઓફ ડિરેક્ટર્સને રાજીનામું આપ્યું છે. તેમના જણાવ્યા અનુસાર સ્વેચ્છાએ અને રાજીખુશીથી તેમણે આ હોદ્દા પરથી રાજીનામું આપ્યું છે. તેમણે અગાઉ પણ પ્રમુખ પદેથી રાજીનામું આપ્યું હતુ ત્યારબાદ પાદરા બેઠક પર અપક્ષ ઉમેદવાર તરીકે ચૂંટણી લડ્યાં હતાં.
રાજીનામાનો લેટર
તમામનો સાથ સહકાર મળ્યો તે બદલ આભાર: દિનેશ પટેલ
તેમણે રાજીનામાં પત્રમાં જણાવ્યું છે કે, છેલ્લા 8 વર્ષમાં મારા પ્રમુખ પદ તરીકે તમામનો સાથ સહકાર મળ્યો તે બદલ આભાર તમને જણાવી દઈએ કે, તેમણે પાદરામાં અપક્ષ ઉમેદવાર તરીકે વિધાનસભા ચૂંટણીમાં ઉમેદવારી કરી હતી. દિનેશ પટેલનું રાજીનામું બોર્ડ ઓફ ડિરેક્ટર્સ સ્વીકારે છે કે કેમ તે આગામી સમયમાં ખબર પડશે.
દિનુ પટેલે ભાજપમાંથી આપ્યું હતું રાજીનામું
ચૂંટણી પહેલા ભાજપમાંથી દિનુ પટેલે રાજીનામું આપ્યું હતું. તેમને પાદરા બેઠક પર ટિકિટ ન મળતા તેઓ નારાજ થયાં હતા. દિનુ પટેલે પાદરા બેઠક પરથી અપક્ષ ચૂંટણી લડ્યા હતાં. દિનુ પટેલને હર્ષ સંઘવી અને સી આર પાટીલની સમજાવટ બાદ પણ તેઓ માન્યા ન હતાં. પાર્ટી દિનુ પટેલને સસ્પેન્ડ કરે તે પહેલા જ દિનુ પટેલે પાર્ટીને રામ રામ કર્યા હતા. તેમજ આજે તેમણે ડેરીના પ્રમુખ પદેથી રાજીનામું આપ્યું છે. તમને જણાઈ દઈએ કે, તેમનો કેતન ઈનામદાર સાથે વિવાદ પણ થયો હતો
કોણ છે દિનેશ પટેલ ?
બરોડા ડેરીના પ્રમુખ અને ભાજપ નેતા
અગાઉ પણ ભાજપમાંથી આપ્યું હતુ રાજીનામું
2022માં ટિકિટ ન મળતા અપક્ષમાંથી નોંધાવી હતી દાવેદારી
રાજીનામું આપી પાદરા બેઠક પરથી અપક્ષ તરીકે દાવેદારી કરી હતી
અપક્ષમાંથી દાવેદારી કરાતા ભાજપે 6 વર્ષ માટે કર્યા સસ્પેન્ડ
