- ઓસ્ટ્રેલિયામાં જોવા મળી દિનેશ કાર્તિકના પિતાની સાદગી
- પુત્રને જોવા માટે સામાન્ય દર્શકોની જેમ રાહ જોઈ
- દિનેશ કાર્તિકને ભારતીય ટીમમાં મળી છે ફિનિશરની ભૂમિકા
દિનેશ કાર્તિકના પિતા ભારતીય ટીમની મેચ જોવા ઓસ્ટ્રેલિયા પહોંચ્યા
યાત્રા દરમ્યાન હોવાને કારણે તેઓ મેલબર્નમાં પાકિસ્તાન સામેની મેચ જોઇ ના શક્યા. દૂરથી જોતા કૃષ્ણ કુમાર પૂર્વ ભારતીય ફૂટબોલ કેપેટન પ્રસૂન બેનર્જી જેવા દેખાય છે. તેઓ એક ખૂણામાં ઉભા રહીને ભારતીય ક્રિકેટ ટીમના અભ્યાસ સત્રની રાહ જોઇ રહ્યાં હતા. આ વ્યક્તિ કોઈ બીજુ નહીં પરંતુ દિનેશ કાર્તિકના પિતા હતા જે ટી-20 વિશ્વ કપમાં ભારતીય ટીમ માટે પોતાના પુત્રની ફિનિશરની ભૂમિકા જોવા માટે અહીં પહોંચ્યા છે. કાર્તિક ભારતીય ટીમમાં સૌથી ઉંમરલાયક અને સીનિયર ખેલાડી છે. તેમણે 2004માં આંતરરાષ્ટ્રીય ક્રિકેટમાં પદાર્પણ કર્યુ હતુ અને શક્ય પોતાની અંતિમ આઈસીસી ટુર્નામેન્ટ રમી રહ્યાં છે.
પત્રકારોને ખબર પડી તો પહોંચી ગયા દિનેશ કાર્તિકના પિતા પાસે
કૃષ્ણ કુમાર કોઈ ખાસ બેટરને નહોતા જોતા. એક વખત જ્યારે તેમણે પોતાના મોબાઈલનો કેમેરો ઓન કર્યો તો તેમને જણાવવામાં આવ્યું કે તેઓ તેનો ઉપયોગ કરી શકતા નથી અને આમ કરવુ નિયમોનુ ઉલ્લંઘન છે. ત્યારબાદ જાણવા મળ્યું કે તેઓ દિનેશ કાર્તિકના પિતા છે તો પત્રકાર પણ તેમની પાસે પહોંચી ગયા. તેમણે પુત્રની વાપસીને લઇને અનેક યુ-ટ્યુબ ચેનલ સાથે પણ વાતચીત કરી. કાર્તિક એવા ક્રિકેટર છે, જે જ્યારે પણ ભારત માટે રમે છે તો તેના માતા-પિતા તેની રમત જોવા માટે આવે છે. રાહુલ દ્રવિડની કેપ્ટનશિપમાં જ્યારે કાર્તિક ટેસ્ટ ક્રિકેટ રમી રહ્યાં હતા ત્યારે તેમની માં પદ્મિની વારંવાર મેચ જોવા માટે આવતી હતી. તેમના પિતા રવિવારે મેલબર્નમાં રમાયેલી પાકિસ્તાન સામેની મેચમાં હાજર નહોતા રહી શક્યા.
કાર્તિકને ભારતીય ટીમમાં મળી છે ફિનિશરની ભૂમિકા
દિનેશ કાર્તિક ટી 20 ક્રિકેટ ટીમમાં ભારતીય ટીમ માટે ફિનિશરની ભૂમિકામાં છે. તેઓ વારંવાર ટીમ માટે અંતમાં મેચને પૂર્ણ કરતા હોય છે. આ જ કારણ છે કે ટીમ મેનેજમેન્ટે કાર્તિક પર વિશ્વાસ મુકી તેમને ટી-20 વિશ્વ કપ માટે પસંદ કર્યા છે. આ ઉપરાંત તેઓ રિષભ પંતના વિકલ્પ પણ છે, જે તેમની ગેરહાજરીમાં ટીમ માટે વિકેટકીપિંગની પણ જવાબદારી સંભાળે છે.
