નવસારી / 6 મહિનાથી પગાર ન મળતા અંતે કંટાળીને સુપરવાઇઝરે કરી આત્મહત્યા, બિલ્ડરોની ધરપકડની માંગ

સુરતના ડિંડોલીના એક શખ્સે નવસારીમાં એક ફાર્મ હાઉસમાં ગળેફાંસો ખાઈ આત્મહત્યા કરી લીધો છે. 42 વર્ષીય અમિત છેલ્લા 18 વર્ષથી સુરતના બિલ્ડરોને ત્યાં સુપરવાઇઝર તરીકે નોકરી કરતો હતો અને બિલ્ડિંગ પ્રોજેકટ્સનું ધ્યાન રાખવા સાથે અન્ય કામો પણ કરતો હતો.

બિલ્ડ઼રો તેને એટલુ કામ આપતા હતા કે, તે કામ કરવામાં જ તેનો અડધો પગાર વપરાઈ જતો હતો. એટલું જ નહીં છેલ્લા 6 મહિનાથી તો અમિતને પગાર પણ આપ્યો ન હતો. તો જમીન દલાલીના લાખો રૂપિયા પણ બિલ્ડરો ચાઉં કરી ગયા હતાં. 

આર્થિક રીતે કંગાળ બની જતા અંતે કંટાળીને અમિતે નવસારીના ધામણ ગામે તેના શેઠ જ વાડીમાં આત્મહત્યા કરી દીધી હતી. આ મામલે અમિતના પરિજનો અને મિત્રવર્તુળે જ્યાં સુધી ચારેય બિલ્ડરોની ઘરપકડ કરવામાં આવશે નહિં ત્યાં સુધી બોડી લેવાનો ઇન્કાર કર્યો છે.