બોલિવૂડની એક્ટ્રેસ ડિમ્પલ કાપડિયાનાં માતા બેટ્ટી કાપડિયાનું 80 વર્ષની ઉંમરે શનિવારે રાત્રે નિધન થયું છે. તેઓ છેલ્લા 20 દિવસથી બીમાર હતા. જેથી તેમને હિન્દુજા હોસ્પિટલમાં એડમિટ કરાયા હતા. તેમણે થોડાં દિવસ પહેલાં જ પોતાનો 80મો જન્મદિવસ સેલિબ્રેટ કર્યો હતો.
ડિમ્પલ કાપડિયાની માતા 20 દિવસથી બીમાર હતા
થોડાં સમય પહેલાં જ સેલિબ્રેટ કર્યો હતો 80મો જન્મદિવસ
રિપોર્ટ્સ મુજબ ડિમ્પલ કાપડિયાની માતા બેટ્ટીને શ્વાસ લેવામાં તકલીફ થઈ રહી હતી. તેઓ રેસ્પિરેટરી પ્રોબ્લેમથી પરેશાન હતા. થોડાં દિવસ પહેલાં જ ડિમ્પલે માતાની તબિયત ખરાબ હોવા અંગે જણાવ્યું હતું. હકીકતમાં ડિમ્પલ અને તેમની દીકરી ટ્વિન્કલ ખન્ના ઘણીવાર હોસ્પિટલ જતાં સ્પોટ થયા હતા. જેથી ફેન્સ અનુમાન લગાવી રહ્યાં હતા કે ડિમ્પલની તબિયત ખરાબ છે. જોકે, આ અંગે ખુલાસો કરતાં ડિમ્પલે જણાવ્યું કે તેમની માતાની તબિયત ખરાબ છે અને તેમને પ્રાર્થનાની જરૂર છે. થોડાં દિવસ પહેલાં એટલે કે ઓક્ટોબરમાં ટ્વિંકલ ખન્નાએ નાનીના બર્થડેની તસવીરો સોશિયલ મીડિયા પર શેર કરી હતી. જ્યાં સમગ્ર પરિવાર સાથે જોવા મળ્યો હતો અને તેમનો 80મો બર્થડે સેલિબ્રેટ કર્યો હતો.