રિપોર્ટમાં દાવો / બોલિવૂડના બે ખાન વચ્ચે મતભેદ! આમિર અને સલમાનનું સાથે કામ કરવું બન્યું મુશ્કેલ, જાણો શું છે વિવાદ

• સલમાન અને આમિર વચ્ચેના મતભેદ
• ફિલ્મ 'ચેમ્પિયન્સ'માં સાથે કામ કરવું મુશ્કેલ બન્યું
• આ ફિલ્મ 2019ની સ્પેનિશ ફિલ્મ 'ચેમ્પિયન્સ'ની હિન્દી રિમેક 

બોલિવૂડના મિસ્ટર પરફેક્શનિસ્ટ, આમિર ખાન 'ચેમ્પિયન્સ' બનાવવા માંગે છે, જે 2019ની સ્પેનિશ ફિલ્મ 'ચેમ્પિયન્સ'ની હિન્દી રિમેક છે. જો મીડિયા રિપોર્ટ્સનું માનીએ તો પહેલા આમિર ખાન પોતે આ ફિલ્મમાં કામ કરવાનો હતો. જો કે ત્યારબાદ તેણે બોલિવૂડ અભિનેતા સલમાન ખાનને મુખ્ય ભૂમિકાની ઓફર કરી હતી. હવે એવું કહેવામાં આવી રહ્યું છે કે બંને વચ્ચેના મતભેદોને કારણે બંને માટે સાથે કામ કરવું મુશ્કેલ બની ગયું છે.

શું છે સમગ્ર મામલો

ETimes ના રિપોર્ટ અનુસાર સલમાન ખાને આ રિમેક સાઈન કરતા પહેલા સ્ક્રિપ્ટમાં કેટલાક ફેરફાર સૂચવ્યા હતા. જોકે, મિડ-ડેના અહેવાલમાં દાવો કરવામાં આવ્યો છે કે ફિલ્મના નિર્માતા આમિર ખાન અને દિગ્દર્શક આરએસ પ્રસન્નાને સલમાન ખાનનું સૂચન ગમ્યું ન હતું. આવી સ્થિતિમાં ફિલ્મ 'ચેમ્પિયન્સ' માટે સલમાનને સાઈન કરવો મુશ્કેલ બની ગયો છે. 

આમિર ખાન આ ફિલ્મમાં કેમ અભિનય કરવા નથી માંગતો ?

ગત વર્ષે 'ચેમ્પિયન્સ'ની જાહેરાત કરતી વખતે આમિર ખાને કહ્યું હતું કે, આ ફિલ્મની સ્ક્રિપ્ટ અદ્ભુત છે અને વાર્તા હૃદય સ્પર્શી છે. જો કે, મને લાગે છે કે હું બ્રેક લેવા માંગુ છું. હું મારા પરિવાર સાથે રહેવા માંગુ છું. હું મારી માતા અને મારા બાળકો સાથે સમય પસાર કરવા માંગુ છું. તેથી હું માત્ર 'ચેમ્પિયન્સ'  પ્રોડ્યુસ જ કરીશ.