- મહેન્દ્ર સિંહ ધોનીની ભવિષ્યવાણી પડી સાચી
- 2016માં ધોનીએ આપ્યું હતુ નિવેદન
- ભારત પાકિસ્તાન સામે ભયંકર રીતે હાર્યું
ટી20 વર્લ્ડ કપમાં પાકિસ્તાને એક પણ વિકેટ ગુમાવ્યા વગર ભારતને હરાવી દીધું હતું. દુબઇ ઇન્ટરનેશનલ સ્ટેડિયમમાં ભારતીય બેટ્સમેનોનું પ્રદર્શન શરમજનક રહ્યું તો બૉલરોએ પણ કંઇ બાકી રાખ્યું નછી. વર્લ્ડકપમાં પાકિસ્તાનની આ પહેલી જીત છે. પડોશી દેશ વિશ્વકપમાં એક દિવસ આપણને ભારે પડશે તે વાતની ભવિષ્યવાણી પૂર્વ કેપ્ટન મહેન્દ્ર સિંહ ધોનીએ પાંચ વર્ષ પહેલા જ કરી દીધી હતી.
2016માં ધોનીનું નિવેદન
2016માં જ્યારે મહેન્દ્ર સિંહ ધોની ટીમ ઇન્ડિયાનો કેપ્ટન હતો ત્યારે પાકિસ્તાનને હરાવી દીધું હતું. જે બાદ પ્રેસ કોન્ફરન્સમાં ધોનીએ કહ્યું હતું કે, આપણને આ વાત પર ગર્વ છે કે આપણે તેમની સામે 11-0થી હાર્યા છીએ પરંતુ એક સચ્ચાઇ તે પણ હશે કે પાકિસ્તાન ક્યારેક ને ક્યારેક આપણને હરાવશે. 10 કે 20 વર્ષ બાદ આપણે હારીશું. એવું ન થઇ શકે કે આપણે હંમેશા જીતીયે. આ ભવિષ્યવાણી 2021માં સત્ય સાબિત થઇ ગઇ છે.
પાકિસ્તાને રચ્યો ઇતિહાસ
કેપ્ટન કોહલી ભારતીય ક્રિકેટનો પહેલો એવો કેપ્ટન છે જેના નેતૃત્વમાં પાકિસ્તાને ભારતને પ્રથમ વખત વર્લ્ડ કપમાં હરાવ્યું છે. દેશના ક્રિકેટના ઇતિહાસમાં, 24 ઓક્ટોબર 2021 પહેલા વર્લ્ડકપમાં કોઈ પણ કેપ્ટન પાકિસ્તાન સામે હાર્યો ન હતો. ICC T20 વર્લ્ડ કપ-2021ના સુપર-12 તબક્કાની પ્રથમ મેચમાં ભારતને આ હાર મળી હતી.
દુબઈ ઈન્ટરનેશનલ સ્ટેડિયમમાં રમાયેલી મેચમાં બાબર આઝમની કેપ્ટનશીપમાં પાકિસ્તાને ભારતને 10 વિકેટે હરાવી ઈતિહાસ રચ્યો હતો. આ મેચ પહેલા ભારત અને પાકિસ્તાનની ટીમ વનડે અને ટી 20 વર્લ્ડ કપમાં કુલ 12 વખત સામસામે આવી હતી પરંતુ પાકિસ્તાન જીતી શક્યું ન હતું. T20 વર્લ્ડ કપમાં હવે પાકિસ્તાને પોતાનું ખાતું ખોલ્યું છે. આ હાર ચોક્કસપણે ટીમ ઇન્ડિયાને ડંખશે.
કોહલીએ હારનું કારણ કહ્યું
વિરાટે કહ્યું કે પહેલી 6 ઓવરમાં પાકિસ્તાને શાનદાર બોલિંગ કરી અને જેના કારણે અમે વધારે રન ન બનાવી શક્યા. 7 વિકેટ પર માત્ર 151 રન જ બનાવી શકી અને પાકિસ્તાનના કેપ્ટન બાબર આઝમ અને મોહમ્મદ રિઝવાને એકલા હાથે જ આ સ્કોર અચીવ કરી લીઝો હતો. પાકિસ્તાનની એક પણ વિકેટ ગઇ નહોતી.
હારનું સૌથી મોટું કારણ
ભારતીય કેપ્ટન વિરાટ કોહલીએ કહ્યું કે, પાકિસ્તાની બોલર શાહીન આફ્રીદીના કારણે 2 વિકેટ ગુમાવી અને જેથી ભારતીય ટીમ દબાવમાં આવી ગઇ હતી. બસ આ જ કારણ છે કે બીજા 20-25 રન ન બનાવી શકી અને ટીમને હારનો સામનો કરવો પડ્યો હતો. ભારતની આ હાર શરમજનક હતી.
