મુલાકાત / શું ધોની ભાજપમાં જોડાવાનો છે? અમિત શાહ સાથેની તસવીર વાયરલ થતા અટકળો

• ચેન્નઈમાં એક કાર્યક્રમમાં મળ્યાં ધોની અને અમિત શાહ
• બન્નેની તસવીર થઈ વાયરલ
• લોકોએ આપી કોમેન્ટ- શું ધોની હવે ભાજપમાં જોડાવાનો છે

દેશમાં ખેલાડીઓ અને નેતાઓની ફેન ફોલોઇંગ ખૂબ જ મોટી છે. ઘણા ખેલાડીઓએ રાજકારણમાં ઝંપલાવ્યું છે અને સફળતા મેળવી છે. લોકો રાજકારણમાં પણ પોતાના માનીતા ખેલાડીને જોવા માંગે છે. આ દરમિયાન ટીમ ઈન્ડિયાના પૂર્વ કેપ્ટન મહેન્દ્ર સિંહ ધોની અને કેન્દ્રીય ગૃહમંત્રી અમિત શાહની મુલાકાત થઈ છે. આ પછી, લોકો વિવિધ પ્રકારના પ્રશ્નો પૂછવા લાગ્યા. અમિત શાહ અને ધોનીની એક સાથેની આ તસવીરો સોશિયલ મીડિયા પર વાયરલ થઈ હતી. તસવીરોમાં બંનેને સાથે જોયા બાદ લોકો પૂછવા લાગ્યા કે શું ધોની ભાજપમાં જોડાવાનો છે?

What next?
MSD joining BJP? 😂 https://t.co/pv7thZH0Te

— Aarohy Kapoor (@aarohy_kapoor) November 12, 2022

ધોનીએ અમિત શાહ સાથે હાથ મિલાવ્યાં 
શનિવારે સોશિયલ મીડિયા પર વાયરલ થયેલી તસવીરમાં ધોની કેન્દ્રીય ગૃહમંત્રી અમિત શાહ સાથે હાથ મિલાવતો જોવા મળી રહ્યો છે. આ તસવીર ઇન્ડિયા સિમેન્ટ્સના 75 વર્ષ નિમિત્તે આયોજિત એક ઇવેન્ટની છે. જેમાં તામિલનાડુના રાજ્યપાલ આર.એન.રવિ પણ હાજર રહ્યા હતા. ઈન્ડિયા સિમેન્ટ્સની માલિકી એન શ્રીનિવાસની છે, જેમની માલિકીની આઇપીએલમાં ચેન્નાઈ સુપર કિંગ્સની ટીમ છે. આ કાર્યક્રમ માટે ચેન્નાઈ પહોંચેલા અમિત શાહનું એરપોર્ટ પર ભાજપના અનેક નેતાઓએ સ્વાગત કર્યું હતું.

Thala standing for National Anthem brings back memories! #MSDhoni & Shri #AmitShah at the India Cements Platinum Jubilee event today in Chennai. pic.twitter.com/GFt83cxco0

— Prabhu (@Cricprabhu) November 12, 2022

લોકોને લાગ્યું નક્કી ધોની ભાજપમાં જોડવાનો છે 
ધોની અને અમિત શાહની એક સાથેની તસવીરો જોઇને લોકો અલગ અલગ કોમેન્ટ્સ કરી રહ્યા છે. એક યુઝરે પૂછ્યું કે શું મહેન્દ્રસિંહ ભાજપમાં જોડાવા જઈ રહ્યા છે? જો કે આ સવાલ રમુજી સ્વરે પૂછવામાં આવ્યો હતો. આ સાથે જ એક યુઝરે લખ્યું કે ધોની અને શાહની મુલાકાત થઇ હતી. આના પર અન્ય એક યુઝરે ટાંક્યું હતું કે ધોનીજીએ સમજી વિચારીને કંઈક કર્યું છે. સાથે જ એક યુઝરે બંનેને દેશના મહાન ફિનિશર ગણાવ્યા હતા.