બોલિવૂડ / ધર્મેન્દ્રનો પોતાના ફાર્મમાં ખેડૂતો સાથેનો વીડિયો થયો વાયરલ, બોલ્યાં કોઈ નાનું કે મોટું હોતું નથી

• ખેડૂતો સાથેનો વીડિયો વાયરલ 
• ધર્મેન્દ્રએ ખેડીતો સાથે સમય કર્યો પસાર 
• ખેડૂત આંદોલનની દેઓલ પરિવાર પર અસર

વીડિયોમાં ધર્મેન્દ્ર પોતાની જમીન પર ખેડૂતો સાથે નજર આવી રહ્યાં છે. તે ખેડૂતોનું મનોબળ વધારતા દેખાઇ રહ્યાં છે. તેમની સાથે વાતચીત કરી રહ્યાં છે. આ વીડિયો પર ફેન્સ ખુશ થઇ રહ્યાં છે અને અલગ અલગ પ્રતિક્રિયા જોવા મળી રહી છે. 

ધર્મેન્દ્રનો ખેડૂતો સાથે વીડિયો 
ધર્મેન્દ્રએ તે વીડિયોને શૅર કરતા કહ્યું કે કોઇ નાનુ કે મોટુ હોતુ નથી અને દરેકને સન્માન આપવુ જરૂરી છે. એક્ટરે ટ્વિટ કર્યુ છે કે, આવી રીતે જ આપણે લોકો મસ્તી કરીએ છીએ જ્યારે આપણે ખેતરમાં કામ કરીએ છીએ. વિનમ્ર રહો. દરેકને શાંતિ મળે. કોઇ નાનુ કે મોટુ નથી. આ દુનિયા ખુબસુરત થઇ જશે દોસ્તો. તમને સૌને મારો પ્રેમ. 

This is how we enjoy, while working at my farm. Be kind humble and human. Bila mazhab o millat ho jao .....koi chhota nahin .....koi bada nahin..........ye duniya ....badi khoobsoorat ho jaye gi dosto 🙏 love you all. pic.twitter.com/H3NS1Vou2w

— Dharmendra Deol (@aapkadharam) February 25, 2021

ખેડૂત આંદોલનની દેઓલ પરિવાર પર અસર 
આ સમયે ધર્મેન્દ્રની તરફથી આવો વીડિયો સામે આવવો મહત્વનો છે. આંદોલનના કારણે દેઓલ પરિવારના ફિલ્મી કરિયર પર પણ વધારે અસર પડી છે. કેટલાક સમય પહેલા પંજાબના કેટલાક ખેડૂતોએ એલાન કર્યુ હતુ કે તે દેઓલ પરિવારના કોઇ પણ સદસ્યને પંજાબમાં શૂટિંગ નહી કરવા દે. તેમની તે વાતની નારાજગી હતી કે દેઓલ પરિવાર તેમની સાથે નહી પરંતુ સરકાર સાથે ઉભો છે. હવે ધર્મેન્દ્રના આ વીડિયોથી તેમને ફાયદો થઇ શકે તેની શક્યતાઓ છે. 

ધર્મેન્દ્ર કેમ છે મજબૂર 
ધર્મેન્દ્રએ એક યુઝરને જવાબ આપતા પોતાની મજબૂરી કહી હતી. એક્ટરે કહ્યું કે આ ખુબ દુઃખદાયી હતી, તમે નથી જાણતા કે અમે સેન્ટરમાં કેટકેટલુ કહ્યું છે પણ વાત બની નહી. હું દુઆ કરીશ કે બધુ જલ્દી જ વ્યવસ્થિત થઇ જાય.