ગુરુ પૂર્ણિમા / ધર્મ ચક્ર દિન : PM આજે વીડિયો સંદેશ આપશે, રાષ્ટ્રપતિ કરશે આ કાર્યક્રમનું ઉદ્ધાટન

• 'ધર્મના ચક્રનાં પરિભ્રમણ' તરીકે પણ ઉજવવામાં આવે છે
•  રાષ્ટ્રપતિ શનિવારે રાષ્ટ્રપતિ ભવનથી ધર્મચક્ર દિનનું ઉદઘાટન કરશે
• વડા પ્રધાન ગુરુ પૂર્ણિમા નિમિત્તે વીડિયો સંદેશ આપશે

ભારત સરકારના સંસ્કૃતિ મંત્રાલયના નેતૃત્વ હેઠળ, આંતરરાષ્ટ્રીય બૌદ્ધ સંઘ (આઈબીસી) 4 જુલાઈ, 2020 ના રોજ અષાઢ પૂર્ણિમાને ધર્મચક્ર દિવસ તરીકે ઉજવશે. આ દિવસે ઉત્તર પ્રદેશના વારાણસી નજીક સારનાથમાં ઋષિપત્તનમાં સ્થિત હિરણ બગીચામાં આ દિવસે મહાત્મા બુદ્ધ દ્વારા તેમના પ્રથમ પાંચ તપસ્વી શિષ્યોને આપેલા 'પ્રથમ ઉપદેશ' ને ધ્યાનમાં રાખીને ઉજવવામાં આવે છે.

આ દિવસ સમગ્ર વિશ્વમાં બૌદ્ધ લોકો દ્વારા ધર્મ ચક્ર પ્રવર્તન દિવસ અથવા 'ધર્મના ચક્રનાં પરિભ્રમણ' તરીકે પણ ઉજવવામાં આવે છે. આ દિવસ બૌદ્ધ અને હિન્દુઓ દ્વારા તેમના ગુરુ પ્રત્યે આદર વ્યક્ત કરવા માટે 'ગુરુપૂર્ણિમા' તરીકે ઉજવવામાં આવે છે.