BIG BREAKING / ધનબાદમાં મોટી દુર્ઘટના: ઉડાન ભરતાની સાથે જ ગ્લાઇડર ક્રેશ, પાયલટ સહિત 2 લોકો ઇજાગ્રસ્ત, જુઓ VIDEO

• ધનબાદમાં ગુરુવારે એક મોટી દુર્ઘટના થઈ
• ગ્લાઈડર દુર્ઘટનાગ્રસ્ત થઈને ઘરની છત પર પડ્યું

ઝારખંડના ધનબાદમાં ગુરુવારે એક મોટી દુર્ઘટના થઈ છે. જણાવી દઈએ કે ઝારખંડના એક જોયરાઈડ ગ્લાઈડર દુર્ઘટનાગ્રસ્ત થઈને ઘરની છત પર પડ્યું હતું. ધનબાદ શહેરમાંથી કોયલાંચલની હવાઈ યાત્રા કરવાના ઉદ્દેશ્યથી આ યોજના શરૂ કરવામાં આવી હતી. ગ્લાઈડર બરવાડા એરસ્ટ્રીપ પરથી ટેકઓફ કર્યા બાદ શહેરની ઉપર ઉડી રહ્યું હતું અને એ દરમિયાન તેમાં ટેકનિકલ ખામી સર્જાઈ હતી. આ બાદ ગ્લાઈડર બેકાબૂ થઈ ગયું અને બિરસા મુંડા પાર્ક પાસે નિલેશ કુમારના ઘર પર પડ્યું.

આ અકસ્માતમાં ગ્લાઈડર ખરાબ રીતે નુકસાન થયું છે અને તેનો પાઈલટ અને ગ્લાઈડરમાં સવાર અન્ય યુવક ગંભીર રીતે ઘાયલ થયા હતા. જણાવી દઈએ કે સ્થાનિક લોકોની મદદથી ઘાયલોને તાત્કાલિક નજીકની ખાનગી હોસ્પિટલમાં દાખલ કરવામાં આવ્યા છે, જ્યાં તેમની સ્થિતિ નાજુક છે. ઘટના બાદ સ્થાનિક લોકોની ભારે ભીડ સ્થળ પર એકઠી થઈ ગઈ હતી.