વંચિત / 'વિકાસ ગાંડો' ? આઝાદી મળી પણ અજવાળું નહીં!, 75 વર્ષે પણ અંધારપટમાં જીવન ગુજારતું બનાસકાંઠાનું આ ગામ

• આઝાદી મળી પણ અજવાળું નહીં!
• 75 વર્ષે પણ અંધકારમાં જીવતું ગામ 
• વિકાસશીલ ગુજરાતમાં આ કેવો વિકાસ?
• વીજ વિભાગ રજૂઆતો કેમ નથી સાંભળતું?

વિકાસની વાતો દેશભરમાં થાય છે. ગુજરાત મોડેલના નામે વિશ્વમાં ગર્વ લેવાય છે. અને અંતરિયાળ ગામડા સુધી પણ વીજળી પહોંચી ગયાના દાવા થાય છે.. પરંતુ આજે પણ આ જ વિકાસશીલ ગુજરાતમાં આઝાદીના 75 વર્ષ પછી પણ એક ગામમાં વીજળી નથી પહોંચી. અને લોકો અંધાકારમાં જીવી રહ્યા છે.

 

આઝાદીના 75 વર્ષે પણ લોકો અંધાર પટમાં રહે છે
ગુજરાત મોડેલની વાતો કરનારા જરા આજે આ ગામને પણ જોઈ લો. આ કોઈ પાડીશી રાજ્ય રાજસ્થાન, મધ્યપ્રદેશ કે, મહારાષ્ટ્રનું અંતરિયાળ ગામ નથી. પરંતુ વિકાસશીલ ગુજરાતનું જ ગામ છે. જ્યાં આઝાદીના 75 વર્ષે પણ લોકો અંધાર પટમાં રહે છે. દીવાના અજવાળે જંગલી પ્રાણીઓ વચ્ચે લોકો જિંગદી પસાર કરી રહ્યા છે.. કારણ કે, અહીં આજ સુધી વીજળી નથી પહોંચી.

ગામમાં એકપણ ઘર સુધી વીજળીનો પોલ નથી પહોંચ્યો
દેશના છેવાડાના ગામ સુધી વીજળી પહોંચી ગઈ. આવું કહી વાહવાહી અને ગર્વ મહેસૂસ કરતા નેતાઓએ બનાસકાંઠાના ઘુમિયાફળી ગામના આ દ્રશ્યો પણ જોવા જોઈએ. જ્યાં ગામની શાળા સુધી જ વીજળીના પોલ પહોંચ્યા છે.. ત્યાંથી આગળ ગામમાં એકપણ ઘર સુધી વીજળીનો પોલ નથી પહોંચ્યો.કે ન તો વીજળી પહોંચી છે. ગામમાં અંદાજીત 80 જેટલા પરિવારો વસવાટ કરે છે..અને વર્ષોથી વીજળી માટે લોકો રજૂઆતો કરે છે. પરંતુ મોટી-મોટી ગુલબાંગો ફેંકનારા એકપણ નેતાઓને આ ગામના લોકોની પરિસ્થિતિ જાણવાનો પ્રયાસ નથી કર્યો.

જંગલી પ્રાણીઓનો રંઝાળ પણ રહે છે    
હવે જ વિકાસની વાસ્તવિક્તા વર્ણવતા આ દ્રશ્યો પણ જુઓ.. ગામની શાળા સુંદર બની ગઈ છે.. પાણી માટેની ટાંકી પણ બની છે.. અને પાણીના નળ પણ લગાવાયા છે.. પરંતુ ભાઈ વીજળી વગર પાણી ક્યાંથી લાવવું.. શાળામાં પણ વીજળી નથી પહોંચી.. જંગલ વિસ્તારનું ગામ હોવાથી જંગલી પ્રાણીઓનો રંઝાળ પણ રહે છે.. તેવામાં અમારા સંવાદદાતાએ સ્થાનિકોના ઘર સુધી પહોંચીને વાસ્તવિક્તા બતાવવાનો પ્રયાસ કર્યો.. 
સ્થાનિક લોકો દ્વારા રજૂઆત કરવા છતાં કેમ વીજળી નથી પહોંચી..?
અહીં સવાલ એ થાય છે કે, વારંવાર સ્થાનિક લોકો દ્વારા રજૂઆત કરવા છતાં કેમ વીજળી નથી પહોંચી..? સ્થાનીકોની અરજી પર અધિકારીઓ કેમ અમલવારી નથી કરતા? વિકાસશીલ ગુજરાતમાં આ કેવો વિકાસ છે? શું અહીં વસતા લોકો ગુજરાતના નાગરિકો નથી? સવાલો અનેક છે.. વીટીવી ન્યૂઝે આજે વાસ્તવિક્તા રજૂ કરી છે.. ત્યારે આશા રાખીએ કે, સરકાર આ ગામની પણ નોંધ લે. અને અંધકારમાં વસતા લોકોના જીવનમાં અજવાળું પાથરવાનું કામ કરે.