મેઘતાંડવ / દેવભૂમિ દ્વારકામાં બારે મેઘ ખાંગા, રાવલ શહેર સંપર્ક વિહોણું, 25 હજાર લોકો જોખમમાં, મંદિરની ધ્વજા થઇ ખંડિત

• દેવભૂમિ દ્વારકાનું રાવલ શહેર સંપર્ક વિહોણું બન્યું
• દ્વારકામાં દ્વારકાધીશ મંદિરનું શિખર દંડ થયું ખંડિત
• વરસાદના પગલે દરિયા સાથે નદીના મિલનના દ્રશ્યો

દેવભૂમિ દ્વારકા જિલ્લામાંથી એક મહત્વના સમાચારો મળી રહ્યા છે. દ્વારકામાં ફરી ધોધમાર વરસાદ થયો છે. ત્યારે ધોધમાર વરસાદને કારણે દ્વારકાના રાવલ શહેરનો સંપર્ક કપાઈ ગયો છે. રાવલ ગામને જોડતા તમામ માર્ગો પાણીમાં સમાઈ ગયા છે. તમામ રસ્તાઓ પર પાણીનો વેગવંતો પ્રવાહ વહી રહ્યો છે. પાણી એટલુ તીવ્ર વેગથી વહી રહ્યું છે કે કોઈની પણ પાણીમાં ઉતરવાની હિંમત ચાલી શકે તેમ નથી. પાણીના વિકરાણ સ્વરૂપના દ્રશ્યો હચમચાવી દેનારા છે. રાવલને જોડતા ચંદ્રવાડા, સૂર્યાવદર સહિતના માર્ગો બંધ થઈ ગયા છે અને પુરની સ્થિતિ સર્જાઈ છે. ગામમાં વીજળી પણ ગુલ થઈ ગઈ છે જેના કારણે આખા ગામમાં અંધારપટ છવાઈ ગયો છે. તો રોડ, રસ્તા ખેતરો અને રહેણાંક વિસ્તારમાં પાણી ભરાઈ જવાનો કારણે 25 હજાર જેટલા લોકો જોખમમાં મુકાયા છે.

જામરાવલમાં 25 હજારથી વધુ લોકોના જીવ જોખમમાં મુકાયા

જામરાવલમાં 25 હજારથી વધુ લોકોના જીવ જોખમમાં મુકાયા છે. દ્વારકા જિલ્લામાં આકાશી આફતે રોદ્ર સ્વરૂપ ધારણ કર્યું છે. સાની-વર્તુ ડેમ ઓવરફ્લો થતા જામરાવલ પાણીમાં ગરકાવ થયું છે. સમગ્ર જામરાવલ શહેરમાં વરસાદી પાણી ફરી વળ્યા છે. ઘરો, પોલીસ સ્ટેશન અને શાળાઓમાં પાણી ભરાયા છે. જામરાવલને જોડતા તમામ રસ્તાઓ બંધ થયા છે. પ્રશાશન અને રાહત ટીમો માટે પહોંચવું પણ મુશ્કેલ છે. રાત્રે પાણી વધતા સ્થિતિ વધુ ગંભીર બની શકે છે.

દ્વારકામાં દ્વારકાધીશ મંદિરનું શિખર દંડ થયું ખંડિત

દ્વારકામાં દ્વારકાધીશ મંદિરનું શિખર દંડ ખંડિત થયું છે. પવન અને વરસાદના કારણે શિખર દંડ ખંડિત થયું છે. ભારે પવનથી મંદિર શિખર પર ધ્વજા ચઢાવવાનો દંડ તૂટી ગયો છે. શિખર દંડ પર દરરોજ 5 ધ્વજાઓ ચઢાવવામાં આવે છે.

 

 

 

 

View this post on Instagram

 

 

 

 

 

 

 

 

 

દ્વારકામાં દ્વારકાધીશ મંદિરનું શિખર દંડ ખંડિત થયું છે. પવન અને વરસાદના કારણે શિખર દંડ ખંડિત થયું છે. ભારે પવનથી મંદિર શિખર પર ધ્વજા ચઢાવવાનો દંડ તૂટી ગયો છે. શિખર દંડ પર દરરોજ 5 ધ્વજાઓ ચઢાવવામાં આવે છે. #Dwarka #vtvgujarati #gujaratinews #gujaratrains #rainingujarat

A post shared by VTV Gujarati News and Beyond (@vtv_gujarati_news) on Jul 7, 2020 at 10:06am PDT

દ્વારકામાં વરસાદ અને ભારે પવનથી નુકસાન 

દ્વારકામાં વરસાદ અને ભારે પવનથી નુકસાન થયું છે. યાત્રાધામ વિકાસ બોર્ડના કરોડોના કામોને નુકશાન થયું છે. પીલ્લરો તૂટતા નીચે રહેલી રેકડીઓ દટાઇ ગઇ છે. નવા ગોમતીઘાટ કિનારે બનેલા પિલ્લરો ધરાશાયી થયા છે. જેમાં 60 કરોડના કામોની ગુણવત્તા પણ સવાલો છે.

જામખંભાળિયામાં પાણીનું વિતરણ 4-5 દિવસ નહીં થાય

ભારે વરસાદને કારણે ખંભાળિયાનો ઘી ડેમ ઓવરફ્લો થયો છે. જેને લઇને પાણી પુરવઠા અને નગરપાલિકાની પાણીની લાઈનનું ધોવાણ થયું છે. જામખંભાળિયામાં પાણીનું વિતરણ 4-5 દિવસ નહીં થઈ શકે. તો 3 દિવસથી ભારે વરસાદના પગલે જામખંભાળિયા પાસેનો સિંહણ ડેમ પણ ઓવરફ્લો થયો છે. બીજી તરફ તેલી નદી બે કાંઠે વહી રહી છે. તો ઘી ડેમ પણ ઓવરફ્લો થયો છે. ખંભાળિયાના ખેતરોમાં પણ પાણી ભરાયા છે.

જામકલ્યાણપુરના કનકપર શેરડી ગામે ડેમ ઓવરફ્લો થયો છે. શેઢાભાડથરી ડેમ પણ ઓવરફ્લો થયો છે. નીચાણવાળા વિસ્તારના 5 ગામોને અલર્ટ કરવામાં આવ્યાં છે. આ પ્રકારે ડેમ ઓવર ફ્લો થતા લોકોને ભારે મુશ્કેલીનો સામનો કરવો પડ્યો છે. 

ભોગાત બંધારા ડેમ ઓવરફ્લો

ભોગાત અને ગોજીનેસમાં ભારે વરસાદના પગલે ડેમ ઓવરફ્લો થયો છે. ભોગાત બંધારા ડેમ ઓવરફ્લો થતા નદીઓમાં પૂરની સ્થિતિ સર્જાઇ છે. વરસાદના પગલે દરિયા સાથે નદીના મિલનના દ્રશ્યો સર્જાયા છે.

નગડિયા ગામ બેટમાં ફેરવાયું

દ્વારકાના જામ કલ્યાણપુરનું નગડિયા ગામ બેટમાં ફેરવાયું છે. નગડીયા ગામે ધોદમાર 8 ઈંચ વરસાદ ખાબક્યો છે. જેના કારણે ચારે તરફ પાણી જ પાણી જોવા મળી રહ્યું છે.

કલ્યાણપુરમાં ચારે તરફ પાણી ફરી વળ્યું

દ્વારકાના કલ્યાણપુરમાં ધોધમાર વરસાદ પડ્યો છે. કલ્યાણપુરમાં ચારે તરફ પાણી ફરી વળ્યું છે. બજાર, રસ્તા, ખેતરમાં પાણી ભરાયા છે. ભારે વરસાદના પગલે રસ્તો ધોવાયો છે. કલ્યાણપુરના દેવળિયા-ચાસલાણા રોડ ધોવાયો છે. પાણીના વહેણમાં રસ્તો ધોવાયો છે. તો રસ્તો ધોવાતા લોકો મુશ્કેલીમાં મુકાયા છે.

વગળી નદી ગાંડીતુર બની

માધુપુર ગામે વરસાદી પાણી ભરાયા છે. ભારે વરસાદથી વગળી નદી ગાંડીતુર બની છે. નદીના પાણી લોકોના ઘરમાં ઘૂસ્યા છે. તો નદીના પાણીથી ખેતરોમાં પણ ધોવાણ થયું છે.

દ્વારકામાં વરસાદની મજા લોકોએ માણી

સૌરાષ્ટ્રમાં સારા વરસાદ સાથે દ્વારકામાં પણ મેધમહેર થઇ છે. આ વરસાદની મજા લોકોએ માણી છે. તેમજ દ્વારકાના કુંડમાં લોકોએ કુદકા લગાવ્યા હતાં. લોકોએ બિન્દાસ્ત થઇ ન્હાવાની મજા માણી હતી.