કમાણી / આ સ્કીમમાં રોજ જમા કરો માત્ર 70 રૂપિયા, આટલા વર્ષોમાં લાખોનું રિટર્ન મળશે, જાણો કઈ રીતે

• લાખો રૂપિયા જમા કરવા હોય તો આ સ્કીમ છે બેસ્ટ
• આ સ્કીમમાં પૈસા ડૂબવાનો ડર નથી
• તમે રોજ 70 રૂપિયા જમા કરી લાખોના માલિક બની શકો છો

અમે તમને જણાવી રહ્યાં છીએ કે તમારે પબ્લિક પ્રોવિડન્ટ ફંડમાં પૈસાનું રોકાણ કરવું જોઈએ. આમાં તમારા પૈસા સુરક્ષિત રહેશે અને સાથે જ તમને ગેરંટીડ રિટર્ન પણ મળશે. PPFની મેચ્યોરિટી અવધિ 15 વર્ષ છે. આ સાથે તમે દરરોજ લગભગ 70 રૂપિયા જમા કરીને લાખો રૂપિયાનું ફંડ બનાવી શકો છો.

ચક્રવૃદ્ધિ વ્યાજનો લાભ

આ ખાતું 15 વર્ષમાં મેચ્યોર થાય છે. આ ખાતામાં જમા પૈસા પર ચક્રવૃદ્ધિ વ્યાજ મળે  છે. 1 એપ્રિલ, 2020થી સરકાર આ ખાતા પર 7.10 ટકા વ્યાજ ચૂકવી રહી છે. ધારો કે કોઈ વ્યક્તિએ દર મહિને PPF ખાતામાં 1000 રૂપિયા જમા કરાવ્યા છે. 1000 રૂપિયાની ડિપોઝિટ 15 વર્ષમાં 1,80,000 રૂપિયા થઈ જશે.

તેના પર તમને 1,35,567 રૂપિયા વ્યાજ મળશે. બંને રકમને જોડી દઈએ તો 15 વર્ષ પછી મેચ્યોરિટી પર તે 3,15,567 રૂપિયા હશે. જો કોઈ વ્યક્તિ દર મહિને 2 હજાર અથવા વાર્ષિક 24 હજાર રૂપિયા જમા કરે છે, તો તેની કુલ જમા રકમ 3,36,000 રૂપિયા હશે. આના પર વ્યાજ તરીકે 2,71,135 રૂપિયા મળશે. આ રીતે જમાકર્તાને કુલ 6,31,135 રૂપિયા મળશે.

વ્યાજદરમાં વધારો થવાને કારણે મેચ્યોરિટી રકમ વધી શકે છે

નોંધનીય છે કે પોસ્ટ ઓફિસ યોજનાઓના વ્યાજ દરની દર ત્રિમાસિકમાં સમીક્ષા કરવામાં આવે છે. એટલે કે દરેક ક્વાર્ટરમાં તેમાં બદલાવ શક્ય છે. જોકે, છેલ્લા ઘણાં ક્વાર્ટરથી પોસ્ટ ઓફિસ યોજનાઓના વ્યાજ દરોમાં કોઈ ફેરફાર થયો નથી. જો કોઈ વ્યક્તિ દર મહિને 2000 રૂપિયાનું રોકાણ PPFમાં કરે છે અને વ્યાજ દર વધે છે, તો તેની મેચ્યોરિટી રકમ વધશે.

સમય પહેલાં પણ ખાતું બંધ કરી શકાય છે

જો કોઈ કારણસર તમને 15 વર્ષ પહેલાં પૈસાની જરૂર પડી જાય તો તમે પીપીએફ ખાતામાંથી મેચ્યોરિટી પહેલાં પણ પૈસા ઉપાડી શકો છો. તમે મેડિકલ ગ્રાઉન્ડ પર PPF ખાતામાંથી સંપૂર્ણ રકમ ઉપાડી શકો છો. આનું કારણ એ છે કે જો ખાતાધારક જીવનસાથી અથવા કોઈ આશ્રિત ગંભીર બીમારીની ચપેટમાં આવી જાય તો પૈસા ઉપાડવાની છૂટ છે. જો બાળકોના ઉચ્ચ શિક્ષણ માટે પૈસાની જરૂર હોય તો તમે PPF ખાતું બંધ કરી શકો છો. ખાતાધારકના મૃત્યુ પર નોમિની પૈસા ઉપાડી શકે છે.

PPF ખાતું કોણ ખોલી શકે છે

કોઈપણ ભારતીય નાગરિક PPF ખાતું ખોલી શકે છે. સગીરના નામે ખાતું પણ ખોલાવી શકાય છે. PPF ખાતું ખોલવા માટે તમારે ઓછામાં ઓછા 500 રૂપિયાની જરૂર પડશે. પોસ્ટ ઓફિસ ઉપરાંત, પીપીએફ ખાતું બેંકોની શાખાઓમાં પણ ખોલી શકાય છે.