હવે વિશ્વમાં દરેક બાજુ વૂમન એમ્પાવરમેન્ટ એટલે કે મહિલા સશક્તિકરણની વાતો જોરશોરથી ચાલી રહી છે. મહિલા સશક્તિકરણનો મતલબ છે કે મહિલાઓને પોતાનું પસંદગી કરવાનું અધિકાર પછી તે પસંદગી કરિયરની હોય કે પછી રહેણીકરણી કે પછી કપડાં પહેરવાની.. આપણા દેશ સહિત એશિયા મહાદ્વિપમાં મહિલાઓને આ આઝાદી માટે ઘણી મશક્કત કરવી પડે છે. પશ્ચિમી દેશોમાં સરખામણીએ આ મહિલાઓને વધારે આઝાદી મળી છે પરંતુ પશ્ચિમી દેશો પોતે થોડા મૂંઝવણમાં છે ખાસ કરીને જ્યારે ઘાર્મિક પ્રતિકોની વાત આવે છે ત્યારે..
યૂરોપના ઘણા દેશોમાં મહિલાને બુર્ખા પહેરવાથી સમસ્યા છે. આ લિસ્ટમાં વધુ એક નામ જોડાઇ ગયુ છે ડેન્માર્કની સંસદે બુર્ખાને લઇને નવો કાયદો પસાર કર્યો છે. આ નવા કાયદા અનુસાર સાર્વજનિક સ્થળો પર બુર્ખા પહેરવા પર પ્રતિબંધ લગાવવામાં આવ્યો છે. ચહેરો ઢંકાય તે વ્યકિતએ દંડ ભરવો પડી શકે છે. આ કાયદા લાગૂ કરતા સમયે સંસદમાં મુસ્લિમ મહિલાઓનું નામ લીધા વગર કહેવામાં આવ્યુ હતુ કે કોઇ પણ નાગરિક પબ્લિક પ્લેસમાં ચહેરા ઢંકાય એલવા કપડાં પહેરશ્ તો તેના પર 157 ડૉલર એટલે કે 10 500 રૂપિયાનો દંડ લાગશે. તમને જણાવી દઇએ કે આ કાયદાનું સૌથી વધારે નુકસાન મુસ્લિમ મહિલાને થશે.
જાણો ડેનમાર્ક સિવાય બીજા ઘણા દેશોમાં જાહેરમાં બુર્ખા પહેરવા પર પ્રતિબંધ લાગવવામાં આવ્યો છે....
ઑસ્ટ્રિયા:
ડેનમાર્ક પહેલા ઓસ્ટ્રિયાની સંસદમાં તાજેતરમાં જ જાહેર જગ્યા પર બુર્ખા પહેરવા પર પ્રતિબંધ લગાવવામાં આવ્યો છે. જે મહિલા જાહેર જગ્યાએ મોઢું ઢાંકેલી જોવા મળશે તો તેણે 150 યૂરોનો દંડ ભરવાનો રહેશે.
ફ્રાન્સ:
આ પહેલા 2011માં ફ્રાન્સમાં ચહેરા ઢાંકતા ઇસ્લામિક પ્રતિક ગણાતા કપડાં જેવા કે બૂર્ખા પર પ્રતિબંધ લગાવવામાં આવ્યો હતો. જો કોઇ મહિલાનો ચહેરા ઢાંકવા માટે મજબૂર કરે છે તો તેણે 30 000 યૂરોનો ફાઇન અને એક વર્ષની જેલની સજા ફટાકારવામાં આવશે.
નેધરલેન્ડ:
નેધરલેન્ડના સસંદમાં ગત વર્ષે પબ્લિક ટ્રાન્સપોર્ટ સરકારી બિલ્ડિંગો સ્કૂલો અને હોસ્પિટલોમાં બૂર્ખા પહેરવા પર પ્રતિબંધ લગાવવા માટે વોટ કરવામાં આવ્યો હતો. જોકે ત્યાંની સનેટમાં આ કાયદાને મંજૂરી મળવાની હજુ બાકી છે.
બેલ્જિયમ:
ફ્રાન્સ પછી બેલ્જિયમમાં બૂર્ખા પર પ્રતિબંધ લગાવનારો બીજો યૂરોપીયન દેશ છે. બેલ્જિયમમાં આ કાયદો જૂલાઇ 2011માં પાસ થયો આ કાયદા અનુસાર જાહેર સ્થળો પર ચહેરા ઢાંકનાર મહિલાઓને 7 વર્ષની સજા મળે છે.
બલ્ગેરિયા:
સપ્ટેમ્બર 2016ના બલ્ગેરિયાની સંસદે પ્રતિબંધ લગાવી દીધો હતો. બલ્ગેરિયાની સંસદે આ નિર્ણય યૂરોપમાં ઇસ્લામિક હુમલાને ધ્યાનમાં રાખીને લીધો છે.
મિસ્ત્ર:
મિસ્ત્રની સરકારે જાહેર સ્થળો અને સરકારી સંસ્થાનોમાં બુર્ખા પહેરવા પર પ્રતિબંધ લગાવી દીધો હતો.
સ્વિટ્ઝરલેન્ડ:
સ્વિટ્ઝરલેન્ડની સરકારે 2016માં બૂર્ખા પર પ્રતિબંધ લગાવી દીધો હતો. દુકાનો રેસ્ટોરાં અથવા તો જાહેર સ્થળો પર મુસ્લિમ મહિલાઓને બૂર્ખા પહેરવા પર 9200 યૂરોનો દંડ ભરવો પડશે.
ઇટલી:
ડિસેમ્બર 2015માં ઇટલીમાં બૂર્ખા પહેરવા પર પ્રતિબંધ લગાવી દીધો હતો. જોકે આ કાયદામાં પહેલાથી હેલ્મેટ અથવા તો ભીડમાં અલગ ઓળખ થઇ આવે તેવા કપડાં પહેરવા પર પ્રતિબંધ લગાવી દેવામાં આવી છે.
ચાડ:
જૂન 2015માં 2 સૂસાઇડ હુમલા પછી ચહેરા ઢાંકતા કપડાં પર પ્રતિબંધ લગાવવામાં આવ્યો છે.
તુર્કી:
તુર્કીની 98% જનસંખ્યા મુશ્કેલ છે પરંતુ 2013 સુધી જ્યાં સુધી મહિલાઓને માથા પર સ્કાર્ફ પહેરવા પર પ્રતિબંધ લગાવી દેવામાં આવ્યો છે. જોકે હજુ સુધી મહિલાઓને બૂર્ખા પહેરવાની પરવાનગી આપવામાં આવી છે પરંતુ અદાલત મિલિટ્રા અને પોલીસ તેમણે બૂર્ખા પહેરવાની પરવાનગી નથી.
ચીન:
2014માં ચીનમાં બૂર્ખા પહેરવા પર પ્રતિબંધ લગાવવામાં આવ્યો છે.
રશિયા:
રશિયામાં મહિલાઓ સ્કાર્ફ પહેરવા પર પ્રતિબંધ લગાવવામાં આવ્યો છે. જ્યાં રશિયાના સ્થાનીય નિવાસીઓ અને મુસ્લિમો વચ્ચે થઇ રહ્યા ટેન્શનને લઇને આ પગલું ભરવામાં આવ્યું છે.