મહામારી / રાજધાની દિલ્હીમાં યલો એલર્ટનો ફિયાસ્કો, કોરોના બેકાબુ બન્યો, એક દિવસમાં નોંધાયા 3194 કેસ

• દિલ્હીમાં કોરોના બન્યો બેકાબુ
• એક દિવસમાં કોરોનાના નવા 3194 કેસ 
• કોરોનાને નાથવા લગાડવામાં આવેલ યલો એલર્ટ નિષ્ફળ રહ્યું

દિલ્હીમાં કોરોના વાયરસના કેસ વધી રહ્યા છે. રવિવારે રાજધાનીમાં 3194 કોવિડ-19 દર્દીઓની પુષ્ટિ કરવામાં આવી છે. છેલ્લા 24 કલાક દરમિયાન 1156 દર્દીઓને સારવાર બાદ હોસ્પિટલમાંથી રજા આપવામાં આવી છે. જોકે ગંભીર બાબત એ છે કે દિલ્હીમાં કોરોના ઇન્ફેક્શનનો દર 4.59 ટકા સુધી પહોંચી ગયો છે. આરોગ્ય વિભાગ દ્વારા જારી કરાયેલા બુલેટિન અનુસાર દિલ્હીમાં હાલ 8,397 સક્રિય કોવિડ-19 દર્દીઓ છે, જ્યારે અત્યાર સુધીમાં કુલ 14,20,615 દર્દીઓ કોરોના પોઝિટીવ છે. 

Delhi reports 3,194 fresh COVID cases (positivity rate 4.59%) and 1,156 recoveries in the last 24 hours

Active cases: 8,397
Total recoveries: 14,20,615

The national capital recorded 2,716 infections yesterday pic.twitter.com/CiF9QH8TtK

— ANI (@ANI) January 2, 2022

યલો એલર્ટ નિષ્ફળ રહ્યું
કોરોનાને નાથવા લગાડવામાં આવેલ યલો એલર્ટ પણ નિષ્ફળ રહ્યું હોવાનું સ્પસ્ટ જણાઈ રહ્યું છે. ભારતમાં છેલ્લા 24 કલાકમાં 27,553 નવા કેસ નોંધાયા હતા. કોરોના ફરી અનિયંત્રિત રીતે ફેલાઈ રહ્યો છે ત્યારે લોકડાઉન જેવા પગલાંના ભણકારા વાગી રહ્યા છે.કોરોનાનો ખતરો દિનપ્રતિદિન વધી રહ્યો છે. નવા વર્ષની શરૂઆતમાં કેસ સંખ્યા જે ઝડપથી વધી રહી છે તે જોતાં હવે ત્રીજી લહેર બેકાબૂ બનશે તેવી આશંકા છે. હાલ તો કોરોનાનાં ઓમિક્રોન વેરિયન્ટના કેસ 1500 ને પાર પહોંચી ગયા હોવાથી સ્વાસ્થ્ય મંત્રાલય સહિત રાજ્યોના આરોગ્ય વિભાગની ચિંતામાં વધારો થયો છે. 

દેશમાં સક્રિય કેસોની સંખ્યા વધીને 1.22 લાખ થઈ 
કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, હવે દેશમાં સક્રિય કેસોની સંખ્યા વધીને એક લાખ 22 હજાર 801 થઈ ગઈ છે. અને કોરોનાનાં કારણે જીવ ગુમાવનારા લોકોની સંખ્યા વધીને 4 લાખ 81 હજાર 770 થઈ ગઈ છે. માહિતી અનુસાર, ગઈકાલે 9249 દર્દીઓની રિકવરી થઈ હતી, ત્યારબાદ અત્યાર સુધીમાં 3 કરોડ 42 લાખ 84 હજાર 561 લોકો ચેપ મુક્ત થઈ ચૂક્યા છે.