સ્મગલિંગ / આવી હેરાફેરીની સામે જૅમ્સ બૉન્ડ પણ પાછો પડે, 45 લાખ જુઓ ક્યાં છુપાઈ હતી

• વિદેશી મુદ્રાની હેરાફેરીનો નવો કિમીયો
• દિલ્હી એરપોર્ટ પરથી ઝડપાયો એક શખ્સ
• મગફળી, બિસ્કિટમાં છુપાવી હતી વિદેશી મુદ્રા

CISFએ 45 લાખની વિદેશી મુદ્રા કરી જપ્ત 

દિલ્હી એરપોર્ટ પરથી એક શખ્સ મગફળી અને બિસ્કિટની આડમાં વિદેશી મુદ્રાની હેરાફેરી કરતો હતો. આ શખ્સ પાસેથી 45 લાખ રૂપિયા જપ્ત કરવામાં આવ્યા છે. સુરક્ષાકર્મીઓએ મુરાદ અલી નામના શખ્સને શંકાસ્પદ વ્યવહારના આધારે રોક્યો હતો. 

વિદેશી મુદ્રાને જપ્ત કરીને વધુ તપાસ હાથ ધરી 

આ શખ્સ દુબઈ જવા માટે એર ઈન્ડિયાની ફ્લાઈટમાં સવાર થવા માટે ઈન્દિરા ગાંધી આંતરરાષ્ટ્રીય એરપોર્ટ પર પહોંચ્યો હતો. આરોપી પાસેથી મગફળી અને બિસ્કિટના પેકેટ મળ્યાં હતા. જેમાંથી વિદેશી મુદ્રા જપ્ત કરવામાં આવી છે. આરોપી પાસેથી સઉદી રિયાલ, કતારનાં રિયાલ, કુવેતનાં ડાયનર, ઓમાની રિયાલ અને યૂરો રોલ મળી આવ્યા છે.સુરક્ષા એજન્સીએ વિદેશી મુદ્રાને જપ્ત કરીને વધુ તપાસ હાથ ધરી હતી.