મહામારી / ભારતમાં ઓમિક્રોનનો કેર વધવા લાગ્યો, આજે દિલ્હીમાં 4, ગુજરાતમાં-1, કેસ, દેશમાં 78 દર્દી સંક્રમિત

• ભારતમાં ઓમિક્રોન વેરિયન્ટે જોર પકડ્યું
• ગુરુવારે દિલ્હીમાં નોઁધાયા વધુ 4 કેસ, કુલ કેસ 10
• ભારતમાં અત્યાર સુધી ઓમિક્રોનના 78 કેસ 

દક્ષિણ આફ્રિકામાં જોવા મળતા કોરોનાના નવા ઓમિક્રોન વેરિએન્ટનો કેર દેશમાં વધી રહ્યો છે. ગુરુવારે રાજધાની દિલ્હીમાં ૪ નવા ઓમિક્રોન દર્દીઓ નોંધાયા હતા. આ સાથે દિલ્હીમાં ઓમિક્રોન ચેપગ્રસ્ત લોકોની સંખ્યા વધીને 10 થઈ ગઈ છે. દિલ્હી ઉપરાંત ગુજરાતમાં પણ ઓમિક્રોનનો નવો કિસ્સો સામે આવ્યો છે.

ઓમિક્રોન ભારતના 11 રાજ્યોમા પહોંચ્યો

ભારતમાં ઓમિક્રોનનો પહેલો કેસ 2 ડિસેમ્બરે કર્ણાટક આવ્યો હતો. ત્યારથી તે દેશના 11 રાજ્યોમાં પહોંચી ગયો છે દેશભરમાં અત્યાર સુધીમાં ઓમિક્રોનના ૭૮ કેસ નોંધાયા છે. દિલ્હી મહારાષ્ટ્ર (32), રાજસ્થાન (17) પછી ત્રીજા ક્રમે છે, જ્યાં સૌથી વધુ ઓમિક્રોનના કેસ જોવા મળ્યા છે.

હજુ વધારે રાજ્યોમાં ફેલાશે-નિષ્ણાંતની ચેતવણી 

હાલમાં ઓમિક્રોન વેરિયન્ટ દેશના 11 રાજ્યોમાં પહોંચી ચૂક્યો હોવાથી હવે આગામી સમયમાં વધુ રાજ્યોમાં ફેલાશે કારણ કે ઓમિક્રોન ડેલ્ટા કરતા પાંચ ગણો ચેપી છે તેથી આગામી દિવસોમાં નવા રાજ્યોમા ફેલાય તેવી પૂરી સંભાવના નિષ્ણાંતોએ વ્યક્ત કરી છે. 

ગુજરાતમાં પણ ઓમિક્રોનમાં વધુ એક કેસ નોંધાયો, ટોટલ કેસ-5 

ગુજરાતને ઓમિક્રોનનો વધુ એક નવો કેસ મળ્યો છે. આ સાથે રાજ્યમાં ઓમિક્રોન ચેપગ્રસ્ત લોકોની સંખ્યા વધીને 5 થઈ ગઈ છે. ઓમિક્રોન કેસ વડનગરમાં આવ્યો છે, જ્યાં એક મહિલા નવા વેરિએન્ટથી સંક્રમિત મળી આવી છે. આ મહિલા કોઈ ટ્રાવેલ હિસ્ટ્રી ધરાવતી નથી. પરંતુ તાજેતરમાં મહિલાના સંબંધીઓ ઝિમ્બાબ્વેથી એક પરિવારના નિધનમાં ભાગ લેવા આવ્યાં હતા અને મહિલાને ત્યારે ચેપ લાગ્યો હોવાની સંભાવના છે. 

કયા રાજ્યમાં ઓમિક્રોનના કેટલા દર્દીઓ?

રાજ્ય    કેસ
મહારાષ્ટ્ર-  32
રાજસ્થાન- 17
દિલ્હી-   10
કેરળ- 5
ગુજરાત- 5
કર્ણાટક- 3
તેલંગાણા-2
આંધ્રપ્રદેશ-1
ચંદીગઢ-1
તમિલનાડુ-1
પશ્ચિમ બંગાળ-1