દિલ્હીમાં 1 સપ્ટેમ્બરથી આવી રહેલી નવી લિકર પોલીસીની જગ્યાએ હવે જૂની લિકર પોલીસી લાગૂ થઈ રહી છે. જેને લઈને હવે દિલ્હી સરકારે દારુડીયાઓ માટે એક એપ્સ લોન્ચ કરી છે, જેમાં તમામ વિગતો મળી રહેશે.
રાષ્ટ્રીય રાજધાની દિલ્હીમાં જૂની લિકર પોલીસી લાગૂ થશે
1 સપ્ટેમ્બરથી સરકારી દારુની દુકાનો પર વેચાશે દારુ
દિલ્હી સરકારે દારુડીયા માટે નવી એપ્સ લોન્ચ કરી
રાષ્ટ્રીય રાજધાની દિલ્હીમાં લીકર પોલિસીને લઈને વિવાદ બાદ કેન્દ્રશાસિત પ્રદેશની સત્તાધારી આમ આદમી પાર્ટી અને કેન્દ્રની સત્તા પર બિરાજમાન ભારતીય જનતા પાર્ટીની વચ્ચે વાક્યુદ્ધ ખેલાઈ રહ્યા છે. દિલ્હીમાં 1 સપ્ટેમ્બરથી આવી રહેલી નવી લિકર પોલીસીની જગ્યાએ હવે જૂની લિકર પોલીસી લાગૂ થઈ રહી છે. પ્રાઈવેટ દુકાનોની જગ્યાએ 1 સપ્ટેમ્બરથી સરકારી દારુની દુકનો પર દારુ વેચાશે.
દારુના અડ્ડા ક્યાં ખોલાશે, તેને લઈને દારુની રસિયા લોકો વધારે પરેશાન હતાં. દિલ્હી સરકારે તેને લઈને એક એપ્સ લોન્ચ કરી છે. દિલ્હી સરકાર તરફથી લોન્ચ કરવામા ંઆવેલી ઈ આબકારી એપ દ્વારા નજીકના દારુના અડ્ડા વિશે, તથા બ્રાન્ડ વિશેની તમામ જાણકારી અહીં મળી રહેશે. આ એપ દ્વારા ડ્રાઈ ડેના સંબંધમાં ખાસ જાણકારીઓ મળી રહેશે.
પ્રાપ્ત વિગતો અનુસાર જોઈએ તો, ઈ આબકારી દ્વારા દારુની દુકાનો અલ્ફાબેટિકલ ઓર્ડરમાંથી સર્ચ કરી શકાશે. આ એપમાં બોટલ્સ સ્કેનર ટૂલ પણ આપવામા આવ્યા છે. જેના દ્વારા લોકોને એ ખબર પડશે કે, દારુ અસલી છે કે નકલી. દારુની દુકાન ખોલાવાનો ટાઈમિંગ શું હશે, ઈ આબકારી એપ દ્વારા તેની પણ જાણકારી મળી રહેશે.
ફોરેન લિકરની કઈ બ્રાંડ મળી રહેશે અને તે શું દુકાન પર મળશે કે ન હીં તેને લઈને ઘરે બેઠા એપ્સ દ્વારા માહિતી મેળવી શકશો. ઈ આબકારી એપમાં ફરિયાદનો વિકલ્પ પણ આપવામાં આવ્યો છે. જેના લોકો લોકો દારુ સંબંધિત કોઈ પણ ફરિયાદ ઓનલાઈન કરી શકશે.