સિદ્ધિ / વાહ! આ મામલે દિલ્હીએ શાંઘાઇ, ન્યુયોર્ક અને લંડનને પણ પછાડ્યા, CM કેજરીવાલે કહ્યું, ગર્વ અનુભવાય છે 

દિલ્હીમાં આમ આદમી પાર્ટીનુ શાસન લાગુ થયા બાદ ઘણા બધા ફેરફારો આવ્યા છે. મફત વીજળીથી લઈ શિક્ષણ અને મહોલ્લા ક્લિનિક જેવી સ્વાસ્થ્યની બાબતો પર સરકારે ધ્યાન કેન્દ્રિત કર્યું હતું. 

નાગરિકોની સુરક્ષામાં પણ આગળ 
આઅ બધાની સાથોસાથ દિલ્હીમાં નાગરિક સુરક્ષા પર ખાસ ધ્યાન આપવા માટે સીસીટીવી લગાવવા પર જોર આપવામાં આવ્યું હતું. સીસીટીવી કેમેરાની સંખ્યા મામલે હવે દિલ્હી દુનિયાના મોટા મોટા શહેરોથી પણ આગળ નીકળી ગયું હતું. આ સંબંધિત એક રિપોર્ટમાં આવેલા સમાચારથી દિલ્હીનાં મુખ્યમંત્રી અરવિંદ કેજરીવાલ ખુશ થઈ ગયા હતા. તેમણે ટ્વિટ કરીને કહ્યું હતું કે, 'મને એ વાત કહેતા ગર્વની અનુભૂતિ થાય છે કે દિલ્હીએ પર સ્ક્વેર માઈલ સીસીટીવીની સંખ્યાના મામલે શાંઘાઇ, ન્યુયોર્ક અને લંડન જેવા શહેરોને પણ પાછળ છોડી દીધા છે. 

Feel proud to say that Delhi beats cities like Shanghai, NY n London with most CCTV cameras per sq mile

Delhi has 1826 cameras, London has 1138 cameras per sq mile

My compliments to our officers and engineers who worked in mission mode n achieved it in such a short time https://t.co/G8KpDuBjej

— Arvind Kejriwal (@ArvindKejriwal) August 26, 2021

CM કેજરીવાલે આપ્યા અભિનંદન 
દિલ્હીમાં પર સ્ક્વેર માઈલમાં 1826 સીસીટીવી કેમેરા છે જ્યારે લંડનમાં પર સ્ક્વેર માઈલ 1138 સીસીટીવી કેમેરા છે. અરવિંદ કેજરીવાલે આ ઉપલબ્ધિ માટે તેમના અધિકારીઓ અને એન્જિનિયરોને અભિનંદન પાઠવ્યા હતા. તેમણે કહ્યું હતું કે આઅ મિશન મોડમાં કામ કરનાર તમામ અધિકારીઓ અને એન્જિનિયરોએ આટલા ઓછા સમયમાં આઅ સિધ્ધી મેળવી લીધી છે કે તેઓ અભિનંદનને પાત્ર છે. 

નિર્ભયા કાંડ બાદ CCTV ની પહેલ 
દિલ્હીમાં નિર્ભયા કાંડ બાદ સીસીટીવી લગાવવાને લઈને સરકાર તરફથી પ્રયોરિટી આપવામાં આવી હતી અને પૂરજોશમાં કામગીરી શરૂ કરવામાં આવી હતી. સીસીટીવીની મદદથી ગુનેગારોની ઓળખ અને પોલીસના રોજબરોજના કામમાં પણ મોટી મદદ મળી હતી. 
ધીમે ધીમે સરકાર સીસીટીવી વધારવાની પેરવી કરવા લાગી હતી અને આજે દુનિયાના મોટા મોટા શહેરોને પણ આ મુદ્દે પાછળ છોડી દીધા હતા.