દહેરાદૂન / કૅબિનેટ મંત્રીને કોર્ટે આપી એક કલાક ઊભા રહેવાની સજા, જાણો કારણ

• કૅબિનેટ મંત્રી હરક સિંહ રાવતને મળી સજા
• કોર્ટે આપી કઠેડામાં 1 કલાક ઊભા રહેવાની સજા
• સમન્સને અવગણવાની મળી સજા

આ છે ઘટના

ઉત્તરાખંડમાં સરકારના વનમંત્રી હરક સિંહ રાવતે પણ કોટદ્વારા વિધાનસભાથી ધારાસભ્ય છે. પહેલાંથી 2012માં તેઓ રુદ્રપ્રયાગ વિધાનસભા ક્ષેત્રથી ચૂંટણી જીતીને આવ્યા હતા. 2012 પછી આચાર સંહિતાનું ઉલ્લંધન કરવાના કેસમાં હરક સિંહ રિટનિંગ ઓફિસર સાથે વિવાદમાં રહ્યા હતા.

સમન્સને અવગણ્યા

વાત એટલી વધી ગઈ હતી કે રિટનિંગ ઓફિસર હરક સિંહની વિરુદ્ધમાં એફઆઈઆર નોંધવામાં આવી. ઘટના કોર્ટમાં પહોંચી અને કોર્ટે હરક સિંહને રજૂ થવા માટે એકથી વધારે સમન્સ મોકલ્યા. પણ કૅબિનેટ મંત્રી હરક સિંહ સતત તેને અવગણતા રહ્યા.

હાઈકોર્ટથી ન મળી રાહત

કૅબિનેટ મંત્રી હરક સિંહને લાગ્યું કે ઘટના ગંભીર બની રહી છે તો તેઓ એફઆઈઆર રદ કરવા માટે હાઈકોર્ટ પહોંચ્યા. છેલ્લા કેટલાક દિવસો પહેલાં જ હાઈકોર્ટે પણ તેમને રાહત આપવાની મનાઈ ફરમાવી હતી. ત્યારબાદ સીજેએમ કોર્ટ રુદ્રપ્રયાગના સમન્સના આધારે ગુરુવારે હરક સિંહ રાવત વ્યક્તિગત રીતે રજૂ થયા હતા. 

કોર્ટે આપી આ સજા

કોર્ટે તેમને સજાના રૂપમાં એક કલાક સુધી કઠેડામાં ઊભા રહેવાનો આદેશ આપ્યો હતો. જો કે હરક સિંહની અપીલના આઘારે કોર્ટે તેમને અડધા કલાક બાદ તેમને બેસવાની અનુમતિ આપી હતી. ત્યારબાદ આ કેસમાં હરક સિંહ રાવતને જામીન મળ્યા હતા.

ન લીધો કોઈ પાઠ

કમાલની વાત એ છે કે હરક સિંહ રાવતે તેનાથી કોઈ બોધપાઠ લીધો નહીં. રામનગરમાં પત્રકારો સાથેના સવાલ જવાબમાં તેઓએ હંસીને કહ્યું કે આ આચાર સંહિતાના ઉલ્લંઘનનો સામાન્ય કેસ છે. જ્યારે તમે રાજનીતિમાં હોવ છો તો આવું થતું રહે છે.