તૈયારી / LAC પર ચીનના સંકટથી વાયુસેનાને અવગત કરતા રાજનાથ સિંહે કહ્યું, તૈયાર રહો

• વાયુ સેનાના શીર્ષ કમાન્ડરોની આજથી 3 દિવસીય કોન્ફ્રન્સ
• એર ચીફ માર્શલ ભદૌરિયાની અધ્યક્ષતમાં કોન્ફ્રન્સ
• રક્ષામંત્રી રાજનાથ સિંહ બેઠકમાં જોડાયા
• રાફેલને લદ્દાખમાં તૈનાત કરવા કોન્ફ્રન્સમાં ચર્ચા

વાયુ સેનાની આ કોન્ફ્રન્સમાં ચીન સામેની રણનીતિ પર ચર્ચા કરવામાં આવશે. ઉપરાંત રાફેલને લદ્દાખમાં તૈનાત કરવા પર પણ નિર્ણય લેવાઇ શકે છે. તેમજ આ કોન્ફરન્સમાં લદ્દાખમાં વાયુસેનાની કામગીરીની રાજનાથ સિંહે વખાણ કર્યા હતા તેમજ તેમને સતર્ક રહેવા કહ્યુ હતુ. જો ભારત- ચીન વચ્ચે સ્થિતિ વણશે તો તાત્કાલિક શોર્ટ નોટિસ પર જવાબ આપવાની તૈયારી દાખવવા સૂચન કર્યુ હતુ.

ઉલ્લેખનીય છે કે મેમાં ભારત અને ચીનની વચ્ચે સ્થિતિ વણસી હતી. જેને પગલે ભારતીય વાયુ સેનાએ પોતાના ફાઈટર જેટ અને અટેકિંગ હેલિકોપ્ટર જેવા કે અપાર્ચેની તૈનાતી એલએસી પર  કરી દીધી હતી. તેમજ વાયુસેનાના જવાનો અને હથિયારોને એર લિફ્ટ કરાયા હતા.