મેકર્સનો દાવો છે કે બ્રહ્માસ્ત્ર એ પહેલા દિવસે વૈશ્વિક સ્તરે 75 કરોડનો બિઝનેસ કર્યો છે. આ સિવાય પણ ઘણા કારણોસર આ ફિલ્મ સોશ્યલ મીડિયા પર છવાયેલી છે
'બ્રહ્માસ્ત્ર 2: દેવ'નું અનાઉસમેન્ટ કરવામાં આવ્યું હતું
ફિલ્મમાં દીપિકા પાદુકોણે પણ એક નાનો રોલ કર્યો
બ્રહ્માસ્ત્રના બીજા પાર્ટ દેવ માં દિપીકા પણ નજર આવશે
રણબીર કપૂર, આલિયા ભટ્ટ, નાગાર્જુન, અમિતાભ બચ્ચન, શાહરૂખ ખાન અને મૌની રોય સ્ટારર ફિલ્મ બ્રહ્માસ્ત્ર ને સોશ્યલ મીડિયામાં એક તરફ બૉયકોટ કરવામાં આવી રહી હતી પણ રિલીઝ થતાંની સાથે જ દર્શકોનો સારો પ્રતિસાદ મળ્યો છે.જણાવી દઈએ કે ફિલ્મનો પહેલો ભાગ પૂરો થતાની સાથે જ બીજા ભાગ 'બ્રહ્માસ્ત્ર 2: દેવ'નું અનાઉસમેન્ટ કરવામાં આવ્યું છે.
ફિલ્મને પહેલા દિવસે શાનદાર ઓપનિંગ મળી હતી અને ફિલ્મ મેકર્સનો દાવો છે કે બ્રહ્માસ્ત્ર એ પહેલા દિવસે વૈશ્વિક સ્તરે 75 કરોડનો બિઝનેસ કર્યો છે.
સ્પોઇલર અલર્ટ
જો કે આ સિવાય પણ ઘણા કારણોસર આ ફિલ્મ સોશ્યલ મીડિયા પર છવાયેલી છે. જો તમે બ્રહ્માસ્ત્ર જોયું છે તો આ સમાચાર તમારી માટે છે અને નથી જોયું તો તમારા માટે નાનું એવું સ્પોઇલર લઈને અમે આજે આવ્યા છીએ. 9 સપ્ટેમ્બરના રિલીઝ થયેલ આ ફિલ્મમાં દીપિકા પાદુકોણ પણ છે. આ વાત બહાર આવતાની સાથે જ સોશ્યલ મીડિયા પર લોકો અલગ અલગ વાતો કરી રહ્યા છે.
દીપિકા પાદુકોણે પણ એક નાનો રોલ કર્યો
જણાવી દઈએ કે બ્રહ્માસ્ત્રમાં શાહરૂખ ખાનના કેમિયો સિવાય દીપિકા પાદુકોણે પણ એક નાનો રોલ કર્યો છે. દીપિકા તેના નાના રોલ માટે સોશિયલ મીડિયા પર ચર્ચાનો વિષય બની છે અને ફિલ્મની દીપિકા પાદુકોણની કેટલીક તસવીરો ઈન્ટરનેટ પર હાલ વાયરલ થઈ રહી છે. ફોટા ઝાંખા છે પણ હા દીપિકાને ઓળખી શકાય છે. વાયરલ તસવીરમાં દીપિકા એક બાળકને ખોળામાં લઈને જોવા મળી રહી છે. જો આ વાત સાચી છે તો બ્રહ્માસ્ત્રમાં દીપિકાએ રણબીર કપૂરની માતાનો રોલ કર્યો છે અને બ્રહ્માસ્ત્રના બીજા પાર્ટ દેવ માં દિપીકા પણ નજર આવશે.