વિરોધ પ્રદર્શન / દીપિકા પાદુકોણે JNU અને CAAને લઇને ચાલી રહેલ પ્રદર્શન પર કહ્યું- આ જોઈને મને ગર્વ થાય છે કે...

• મૌન ઉભી રહી દીપિકા, કનૈયાકુમારે લગાવ્યા જય ભીમના નારા
• આ જરૂરી છે કે લોકો બદલાવ લાવવા પોતાના વિચાર વ્યક્ત કરેઃ દીપિકા
• દીપિકા અંદાજિત 10 મિનિટ માટે વિદ્યાર્થીઓની સાથે રહી

બૉલીવુડ એક્ટ્રેસ દીપિકા પાદુકોણ હમણાંથી પોતાની ફિલ્મ 'છપાક'ના પ્રમોશનમાં લાગેલી છે. પરંતુ અભિનેત્રીએ JNUમાં હુમલો, નાગરિકતા સંશોધન કાયદો અને NRCના વિરોધમાં દેશભરમાં થયેલ વિરોધ પ્રદર્શનને લઇને પોતાનું મંતવ્ય રજૂ કર્યું છે. એક્ટ્રેસે આ વિશે વાત કરતા કહ્યું કે આ જોઇને ખુશી થાય છે કે લોકો સામે આવે રહ્યા છે અને કોઇ ડર વિના પોતાનો અવાજ ઉઠાવી રહ્યા છે. દીપિકા પાદુકોણે કહ્યું કે આ જરૂરી છે કે લોકો બદલાવ લાવવા પોતાના વિચાર વ્યક્ત કરે. એક્ટ્રેસના આ નિવેદને સૌનું ધ્યાન ખેચ્યું છે, સાથે જ લોકો આ નિવેદનને લઇને પોતાનું રિએક્શન પણ આપી રહ્યા છે.

દીપિકા પાદુકોણે વિરોધ પ્રદર્શનને લઇને એક ખાનગી ન્યૂઝ ચેનલને કહ્યું કે મને આ જોઇને ખુશી થયા છે કે આપણે પોતાની વાત રાખતા ડરતા નથી. પછી ભલે આપણો વિચાર કંઇ પણ હોય, પરંતુ મારા વિચારમાં આપણે દેશ અને તેના ભવિષ્ય વિશે વિચારી રહ્યા છીએ, આ સારી વાત છે.

દીપિકા અહીં પહોંચી હતી તે દરમિયાન કનૈયા કુમાર 'જય ભીમ' અને 'આવાજ દો હમ એક હે' જેવા નારા લગાવતા નજરે આવ્યા. ત્યારે દીપિકા ત્યાં ચૂપચાપ ઉભી રહી હતી.

#WATCH Delhi: Deepika Padukone outside Jawaharlal Nehru University, to support students protesting against #JNUViolence. pic.twitter.com/vS5RNajf1O

— ANI (@ANI) January 7, 2020

દીપિકાએ ત્યાં હાજર વિદ્યાર્થીઓને પણ કહ્યું કે તેઓ કંઇ બોલવા માટે નથી આવી પરંતુ વિદ્યાર્થીઓ સાથે થયેલ હિંસાનો વિરોધ નોંધાવવા પહોંચી છે. દીપિકા અંદાજિત 10 મિનિટ માટે વિદ્યાર્થીઓની સાથે રહી બાદમાં તે યૂનિવર્સિટીથી ચાલી ગઇ.

બગ્ગાએ કર્યું બૉયકોટ

દિલ્હી ભાજપ પ્રવક્તા તેજિંદરપાલસિંહ બગ્ગાએ દીપિકા પાદુકોણની મૂવી 'છપાક'ને બૉયકોટને લઇને ટ્વિટ કર્યું છે.

RT if you will Boycott Movies of @deepikapadukone for her Support to #TukdeTukdeGang and Afzal Gang pic.twitter.com/LN5rpwjDmT

— Tajinder Pal Singh Bagga (@TajinderBagga) January 7, 2020