દીપિકા પાદુકોણ અને રણવીર સિંહ બોલિવૂડનું લેટેસ્ટ પાવર કપલ છે. લગ્ન પછી બંનેએ કેટલીક ઇવેન્ટ્સ દરમિયાન તેમના લગ્નજીવન વિશે ખુલીને વાત કરી રહ્યા છીએ. દીપવીરે તાજેતરમાં જ એક એવોર્ડ ફંક્શનમાં ભાગ લીધો હતો. જ્યાં દીપિકાએ રણવીરની લાઇફસ્ટાઇલને લઇને કેટલાક ખુલાસા કર્યા. દીપિકાનો વીડિયો સોશ્યલ મીડિયા પર ખૂબ જ વાયરલ થઇ રહ્યો છે.
આ એવોર્ડ ફંક્શનમાં દીપિકા-રણવીરને 'બ્યૂટીફૂલ કપલ ઑફ ધ યર' નો એવોર્ડ આપવામાં આવ્યો. આ ફંક્શન દરમિયાન દીપિકાને રણવીર સિંહ વિશે પૂછવામાં આવ્યુ કે ત્યારે દીપિકાએ કહ્યુ કે ''રણવીર શાવર લેવામાં ઘણો સમય કાઢી નાખે છે તે ટોઇલેટમાં પણ લાંબા સમય સુધી બેસી રહે છે તે તૈયાર થવામાં એટલી જ વાર લગાડે છે.'' દીપિકાએ આગળ કહ્યુ કે ''તે બેડમાં પણ વધારે સમય લગાવે છે.'' આ વાત સાંભળીને ત્યાં ઉપસ્થિત હસવા લાગ્તા ત્યારે દીપિકાએ કહ્યુ કે ''મેં કહ્યુ કે તે બેડ પર ઉંઘવા માટે ઘણો સમય પસાર કરે છે.''
આ સિવાય દીપિકાએ રણવીરની ડ્રેસિંગ સેન્સ માટે કહ્યુ કે ''રણવીર જ્યારે પણ બહાર જવા માટે કપડા સિલેક્ટ કરે છે ત્યારે મને જરૂરથી બતાવે છે અને હું અપ્રૂવ કરુ તો જ કપડા પહેરે છે.''
દીપિકા પાદુકોણ હાલમાં મેઘના ગુલઝારની ફિલ્મ 'છપાક'માં કામ કરી રહી છે. આ ફિલ્મમાં તે એસિડ એટેક વિક્ટિમના રોલમાં જોવા મળશે તો રણવીર સિંહની ફિલ્મ 'ગલી બૉય' બોક્સ ઑફિસ પર સારી કમાણી કરી રહી છે હવે તે કપિલ દેવની બાયોપિક '83'માં જોવા મળશે.