બોલિવૂડ અભિનેત્રી દીપિકા પાદુકોણનું નામ પણ ડ્રગ્સ કેસમાં સામે આવ્યું છે. દીપિકાના ડ્રગ્સ કનેક્શન બાદ હવે તેની ચેટ પણ સામે આવી રહી છે. જેથી હવે એવું કહેવાય રહ્યું છે કે દીપિકાની મુશ્કેલીઓ વધી શકે છે. દીપિકાની ચેટની વાત કરીએ તો સુશાંતની ટેલેન્ટ મેનેજર જયા શાહ સાથે એક કથિત ચેટમાં ડી અને કે નામનો ઉલ્લેખ કરવામાં આવ્યો છે. એનસીબીના સૂત્રો મુજબ ડી એટલે દીપિકા પાદુકોણ અને કે એટલે કરિશ્મા. તમને જણાવી દઈએ કે, કરિશ્મા જયા શાહની એસોસિએટનું નામ છે. આ રહી ચેટ.
ડ્રગ્સ ચેટ
દીપિકા: શું તમારી પાસે માલ છે?
કરિશ્મા: છે પરંતુ ઘરે છે. હું બાંદ્રામાં છું.
કરિશ્મા: જો તમારે જોઈએ તો અમિતને કહી દઉં છું.
દીપિકા: હા, પ્લીઝ
કરિશ્મા: અમિતની પાસે છે તે રાખે છે.
દીપિકા: Hash ના?
દીપિકા: ગાંજો નથી
કરિશ્મા: કોકોની પાસે તું ક્યારે આવે છે
દીપિકા: સાડા 11થી 12ની વચ્ચે
એનસીબીએ સુશાંતની પૂર્વ મેનેજર શ્રુતિ મોદી અને તેની ટેલેન્ટ મેનેજર જયા સાહાને સોમવારે ઓફિસમાં હાજર થવા કહ્યું હતું. અધિકારીએ જણાવ્યું કે, જયા સાહા બપોરે 2 વાગ્યે સાઉથ મુંબઈ સ્થિત એનસીબીના સ્પેશિયલ તપાસ ટીમ (એસઆઈટી)ની ઓફિસ પહોંચી હતી. મંગળવારે એનસીબીએ જયા સાહાને પૂછપરછ માટે બોલાવી છે. આ દરમિયાન ઘણાં મહત્વપૂર્ણ ઘટસ્ફોટ થઈ શકે છે.
સારા સહિત આ અભિનેત્રીઓને મોકલાશે સમન્સ
તપાસ એજન્સીના વરિષ્ઠ અધિકારીએ જણાવ્યું કે, એનસીબી ડ્રગ સંબંધિત કેસની તપાસના સંદર્ભમાં પૂછપરછ માટે અભિનેત્રી સારા અલી ખાન, રકુલ પ્રીત સિંહ અને ફેશન ડિઝાઇનર સિમોન ખંભાતાને બોલાવવામાં આવશે. તમને જણાવી દઈએ કે ડ્રગ્સના કેસમાં એનસીબીએ અભિનેત્રી રિયા ચક્રવર્તી અને તેના ભાઈ શૌવિક ચક્રવર્તી સહિત ડઝનથી વધુ લોકોની ધરપકડ કરી છે.