- રણજીત સિંહ હત્યાકાંડમાં 19 વર્ષ બાદ સજા સંભળાવી શકે છે કોર્ટ
- ગુરમીત રામ રહીમ સિંહ સહિત પાંચેય ગુનેગાર
- ડીસીપીએ શહેરમાં કલમ 144 લાગૂ કરી દીધી
રણજીત સિંહ હત્યાકાંડમાં 19 વર્ષ બાદ સજા સંભળાવી શકે છે કોર્ટ
બહુચર્ચિત રણજીત સિંહ હત્યાકાંડ મામલામાં 19 વર્ષ બાદ સોમવારે પંચકુલામાં સીબીઆઈની વિશેષ કોર્ટ ડેરામુખી ગુરમીત રામ રહીમ સિંહ સહિત પાંચેય આરોપીઓને સજા સંભળાવી શકે છે. સુરક્ષાને ધ્યાનમાં રાખીને ડીસીપીએ શહેરમાં કલમ 144 લાગૂ કરી દીધી છે. કોઈ પણ પ્રકારના તેજ ધારદાર હથિયારને ચાલવા પર પ્રતિબંધ છે. શહેરમાં કુલ 17 નાકા બંધી કરાશે અને 700 જવાન તૈનાત થશે. સીબીઆઈ કોર્ટ પરિસર અને ચારેય પ્રવેશદ્વાર પર આઈટીબીપીની ચાર ટુકડિયો તૈનાત થશે.
વીડિયો કોન્ફરન્સિંગના માધ્યમથી સીબીઆઈ કોર્ટમાં રજૂ થશે ગુનેગારો
રણજીત સિંહ હત્યાકાંડના મુખ્ય આરોપી ડેરામુખી ગુરમીત રામ રહીમ વીડિયો કોન્ફરન્સિંગના માધ્યમથી સીબીઆઈ કોર્ટમાં રજૂ થશે. જ્યારે અન્ય ચાર આરોપી કૃષ્ણ કુમાર, અવતાર, જસવીર અને સબદિલને પોલીસે કડક સુરક્ષામાં કોર્ટમાં પ્રત્યક્ષ રુપથી રજૂ કરશે.
ગુરમીતે સજાથી બચવા કરી દયાની અરજી
મામલામાં 12 ઓક્ટોબરે સીબીઆઈ કોર્ટ સજા સંભળાવવાની હતી. પરંતુ ગુનેગાર ગુરમીત તરફથી હિંદી ભાષામાં 8 પેજની અરજી લખીને સજામાં દયાની અરજી કરવામાં આવી હતી. તેમની અરજીમાં પોતાની બિમારીઓ અને સામાજિક કાર્યોના હવાલો આપ્યો હતો. દલીલોને સાંભળ્યા બાદ કોર્ટે 18 ઓક્ટોબર સુધી નિર્ણય સુરક્ષિત રાખ્યો હતો.
તપાસ એજન્સીઓ થઈ તૈનાત
હત્યાકાંડમાં સજા સંભળાવાને લઈને પોલીસ, સીઆઈડી, આઈબી સહિત તમામ તપાસ એજન્સીઓ તરફથી પંચકુલાના ખૂણે ખૂણા પર નજર રાખવામાં આવશે. ત્યારે પોલીસના જવાનો પણ સાદા કપડામાં તૈનાત રહેશે. પોલીસ તરફથી તમામ જગ્યાઓ પર સીસીટીવી કેમેરાની તપાસ કરવામાં આવશે.
આ કલમોમાં કોર્ટે જાહેર કર્યો ગુનેગાર
રણજીત સિંહ હત્યાકાંડ મામલામાં ગત 8 ઓક્ટોબરે ગુરમીત અને કૃષ્ણા કુમારને કોર્ટે આઈપીસીની કલમ 302(હત્યા), 120 બી (ગુનાહિત ષડયંત્ર રચવા) હેઠળ ગુનેગાર ઠરાવ્યા છે. ત્યારે અવતાર, જસવીર અને સબદિલને કોર્ટે આઈપીસીની કલમ 302 (હત્યા), 120 બી (ગુનાહિત ષડયંત્ર રચવા) હેઠળ ગુનેગાર ઠરાવ્યા છે.
પંચકુલા ડીસીપી મોહિત હાંડાએ કહ્યું કે , પોલીસ તરફથી 17 નાકા બંધી લગાવીને જવાનોને તૈનાત કરવામાં આવ્યા છે. આ ઉપરાંત તમામ જગ્યાએ પોલીસ તરફથી નજર રાખવામાં આવી રહી છે. પોલીસ અને આઈટીબીપીના જવાન કોર્ટ સહિત તમામ જગ્યાએ તૈનાત કરશે. પંચકુલાની સુરક્ષા વ્યવસ્થાને કડક કરવામાં આવી છે.
