જામનગર / લાલપુરમાં વાડીએ મોટર બંધ કરવા જતાં થયું એવું કે પિતા-પુત્ર બંનેના મોત, ગામ આખું હિબકે ચડ્યું 

• જામનગરના મચ્છુ બેરાજા ગામે પિતા-પુત્રને લાગ્યો કરંટ 
• દિકરા ઉપર જીંવત વીજ તાર પડતા પિતા બચાવવા દોડ્યા 
• વાડીએ દિકરાને બચાવવા જતા પિતાને પણ લાગ્યો કરંટ 

જામનગરમાં એક કરુણ ઘટના સામે આવી છે જેમાં એક સાથે પિતા પુત્રનું મોત થતા પરિવારમાં મોતનો માતમ છવાઈ ગયો છે.. પિતા પુત્રના મુત્યુને કારણે પરિવાર શોક મગ્ન થઈ ગયો છે.. 

દિકરા ઉપર જીંવત વીજ તાર પડતા પિતા બચાવવા દોડ્યા 

જામનગરમાં લાલપુરના મચ્છુ બેરાજા ગામમાં પિતા પુત્રના અપમુ્ત્યુથી ગામ અને પરિવારમાં શોકની લાગણી ફેલાઈ ગઈ છે.. રોજ પિતા જ્યારે વાડીએ મોટર બંધ કરવા જતા પરતું આ વખતે પુત્ર વાડીએ મોટર બંધ કરવા જતા એક કરુણ બની હતી..જેમાં દિકરા ઉપર જીવંત વીજ વાયર પડતા પિતાને હોશ ઉડી ગયા હતા..અને પુત્રને મોતના મુખમાંથી બચાવવા પુત્ર તરફ દોડ્યા હતા..જો કે દિકરાને બચાવવા જતા પિતાને પણ કરંટ લાગ્યો હતો.  આમ પિતા અને પુત્રના કરંટ લાગવાથી બંનેના ઘટના સ્થળે જ કરુણ મોત નિપજ્યા હતા...

વાડીએ દિકરાને બચાવવા જતા પિતાને પણ લાગ્યો કરંટ 

ગામ લોકોને બનાવની જાણ થતા ઘટના સ્થળે દોડી આવ્યા હતા...સમગ્ર મામલે પરિવારને જાણ થતા જ પરિવારમાં ગમગીની છવાઈ ગઈ છે..પરિવારમાં એક સાથે ઘરના મોભી અને લાડકવાયો પુત્ર ગુમાવતા પરિવાર શોગ્ન મગ્ન થઈ ગયું છે જ્યારે ગામમાં શોકનો માહોલ પ્રસરી ગયો છે.