સ્ટાર ઑલરાઉન્ડર ડિએન્ડ્રા ડૉટિને આંતરરાષ્ટ્રીય ક્રિકેટમાંથી નિવૃત્તિ લીધી છે. ડૉટીન હાલમાં બર્મિઘમમાં ચાલી રહેલી રાષ્ટ્રમંડળ રમતમાં બારબાડોસ ટીમનો ભાગ છે.
વેસ્ટ ઈન્ડીઝની આ મહિલા ક્રિકેટરે લીધી નિવૃત્તિ
ડિએન્ડ્રા ડૉટિને આંતરરાષ્ટ્રીય ક્રિકેટમાંથી નિવૃત્તિ લીધી
ડૉટિને આંતરરાષ્ટ્રીય ટી-20 ફોર્મેટમાં સૌથી વધુ રન બનાવ્યાં છે
આંતરરાષ્ટ્રીય ટી-20 ફોર્મેટમાં ડૉટિનના નામે સૌથી વધુ રન બનાવવાનો રેકોર્ડ
ડૉટીને વિન્ડીઝ ટીમ માટે 124 ટી-20 અને 143 વન-ડે મેચમાં ભાગ લીધો છે. ડૉટીનના નામે મહિલા ટી-20 આંતરરાષ્ટ્રીયમાં સૌથી વધુ રન બનાવવાનો રેકોર્ડ છે. ડૉટીનના નામે ટી-20 આંતરરાષ્ટ્રીય મહિલા મેચમાં સૌથી ઓછા બોલમાં સદી ફટકારવાનો રેકોર્ડ છે. 31 વર્ષની ડૉટીને 2010ના ટી-20 વર્લ્ડ કપમાં સાઉથ આફ્રિકાની સામે અંદાજે 38 બોલમાં આ સદી ફટકારી હતી. ડિએન્ડ્રા ડૉટીનને મહિલા ક્રિકેટની ક્રિસ ગેલ પણ કહેવામાં આવે છે. ડૉટીન અત્યારે બર્મિઘમમાં ચાલી રહેલી રાષ્ટ્રમંડળ રમતમાં બારબાડોસ ટીમનો ભાગ છે. તેમની ટીમ બુધવારે ભારત સામે તેની અંતિમ મેચ રમશે. જેથી વિજેતા ટીમ સેમિફાઈનલમાં પોતાનુ સ્થાન પાક્કુ કરી શકે છે.
મારી ક્રિકેટ કારકિર્દી દરમ્યાન અનેક અડચણો આવી: ડિએન્ડ્રા ડૉટિન
ડૉટીને લખ્યું, મારી ક્રિકેટ કારકિર્દી દરમ્યાન અનેક અડચણો આવી અને મેં આ બધામાંથી છૂટકારો મેળવ્યો છે. હાલમાં ટીમનો માહોલ એવો નથી કે હું મારી રમત પ્રત્યે પોતાના ઝૂનુનને લઇને આગળ વધી શકુ. મને દુ:ખ છે, પરંતુ કોઈ અફસોસ નથી કે હું આ ટીમના કલ્ચર અનેે માહોલની સાથે પોતાાને ઢાળી રહી છુ. અત્યાર સુધી મને મળેલી તકની હું આભારી છુ. મેં આ નિર્ણય ખૂબ જ સમજી વિચારીને લીધો છે. મેં 14 વર્ષ દરમ્યાન સખત પરિશ્રમ કર્યો છે અને તેનાથી શારીરિક, માનસિક અને ભાવનાત્મક રીતે મજબૂત થઇ છુ.
Thanks to all for the love and support with in my past 14 years of playing cricket for West Indies! I look forward to be playing domestic cricket around the world pic.twitter.com/Vmw6AqpYQJ
વિન્ડીઝ ટીમ માટે 126 ટી-20 અને 143 વન-ડે મેચમાં ભાગ લીધો
જૂન 2008માં આંતરરાષ્ટ્રીય ડેબ્યુ કરનારી ડૉટીને વિન્ડીઝ ટીમ માટે 126 ટી-20 અને 143 વન-ડે મેચમાં ભાગ લીધો. આંતરરાષ્ટ્રીય વન-ડેમાં તેમણે 30.54ની સરેરાશથી 3727 રન બનાવ્યાં. જેમાં ત્રણ સદી અને 22 અર્ધસદીનો સમાવેશ થાય છે. તો આંતરરાષ્ટ્રીય ટી-20 ફોર્મેટમાં ડૉટીનના નામે 25.93ની સરેરાશથી 2697 રન નોંધાયેલા છે. આંતરરાષ્ટ્રીય ટી–20માં ડૉટીને બે સદી અને 12 અર્ધસદી ફટકારી છે.