ઈરાકમાં ગાયમાંથી ફેલાયેલા નવા વાયરસને કારણે થયેલી બીમારીને કારણે અત્યાર સુધી 19 લોકોના મોત થયા છે.
ઈરાકમાં ફેલાઈ ઘાતક બીમારી
અત્યાર સુધી 19 લોકોના મોત
નવો વાયરસ ગાયમાંથી ફેલાઈ રહ્યો છે
ગાય પર દવાના છંટકાવ વખતે આરોગ્ય કર્મીના શરીરમાં વાયરસ થયો દાખલ
મંકિપોક્સના કેર વચ્ચે દુનિયામાં વધી ચિંતા
હવે ગાયથી પણ દૂર રહેવું પડે તેવા દિવસો આવ્યાં છે. પ્રાણીઓ પણ ઘાતક વાયરસને લઈને ફરી રહ્યાં છે અને જ્યારે પણ માનવો સાથે તેઓ સંપર્કમાં આવે કે તરત વાયરસ તેમનામાં ટ્રાન્સફર થઈ જાય છે.
ઈરાકમાં ગાયમાંથી ફેલાયો ઘાતક વાયરસ
ગાય અને બીજા પ્રાણીઓમાંથી એક નવા પ્રકારના વાયરસ ફેલાયો છે. ઈરાકમાં એક ઘાતક વાયરસ ઝડપથી ફેલાઈ રહ્યો છે. ચોંકાવનારી વાત એ છે કે આ બીમારી જે વાયરસ ફેલાવી રહ્યો છે તે ગાયમાંથી આવ્યો છે. ગાય પર જંતુનાશક દવાના છંટકાવ દરમિયાન એક સ્વાસ્થ્યકર્મી વાયરસનો શિકાર બની ગયો હતો. ઇરાકના ગ્રામીણ વિસ્તારોમાં આરોગ્ય કર્મચારીઓ આ રોગ ફાટી નીકળ્યો ત્યારથી પીપીઇ કીટ પહેરીને કામ કરી રહ્યા છે. આ હેમરેજિક તાવને ક્રિમિયન-કોંગો હેમોરેજિક ફિવર (સીસીએચએફ) નામ આપવામાં આવ્યું છે, જે પ્રાણીઓમાંથી માણસોમાં ઝડપથી ફેલાઈ રહ્યો છે.
અત્યાર સુધી 19 લોકોના મોત
ઈરાકમાં આ નવી બીમારીને કારણે અત્યાર સુધી 19 લોકોના મોત થયા છે. આ બીમારીના લક્ષણોમાં ભારે તાવ અને નાકમાંથી લોહી વહેવું સામેલ છે. દર્દીને સખત તાવ આવે છે અને તેના નાકમાંથી લોહી નીકળે છે. આ રોગથી પીડિત દર્દીઓ નાકમાંથી વધુ લોહી નીકળવાના કારણે મરી રહ્યા છે. વર્લ્ડ હેલ્થ ઓર્ગેનાઇઝેશનના જણાવ્યા અનુસાર, ઇરાકમાં આ રોગથી અત્યાર સુધીમાં 19 લોકોનાં મોત નીપજ્યાં છે.
હજુ સુધી કોઈ વેક્સિન ઉપલબ્ધ નથી
વર્લ્ડ હેલ્થ ઓર્ગેનાઇઝેશન અનુસાર, આ એક વાયરસથી ફેલાતો રોગ છે, જેના માટે હજી સુધી કોઈ રસી ઉપલબ્ધ નથી. વર્લ્ડ હેલ્થ ઓર્ગેનાઇઝેશનના જણાવ્યા અનુસાર જંતુઓના કરડવાથી પ્રાણીઓમાં આ રોગ ફેલાઇ રહ્યો છ. જંસંક્રમિત જાનવરોના સંપર્કમાં આવવાથી માનવી આ ચેપી રોગનો શિકાર બની રહ્યો છે. ઇરાકમાં અત્યાર સુધીમાં માનવોમાં સીસીએચએફ ચેપના 111 કેસ નોંધાયા છે. ડૉક્ટરોનું કહેવું છે કે આ વાયરસનું સંક્રમણ ઝડપથી ફેલાઈ શકે છે, કારણ કે દર્દીના શરીરની અંદર અને બહાર બંને જગ્યાએ બ્લીડિંગ થાય છે. સૌથી વધુ ગંભીર એ નાકમાંથી રક્તસ્રાવ છે.
નવી બીમારીના લક્ષણો
ભારે તાવ
નાકમાંથી લોહી વહેવું
સખત બ્લીડિંગ
લોહીની સાથે નાકમાંથી સતત પાણી પડવું
હાલમાં તો ફક્ત ઈરાકમાં જ આ બીમારી ફેલાઈ છે પરંતુ આગામી સમયમાં વધુ દેશોમાં ફેલાઈ શકે છે માટે સાવધાની રાખવાની નિષ્ણાંતોનો ચેતવણી છે.