- રાજકોટ ભિક્ષા માગવાને બહાને ચોરી કરતી ગેંગ સક્રીય
- મહિલાઓની ગેંગથી શહેરીજનોની ચિંતા વધી
- લોકોને જાગૃત થવા ક્રાઈમ બ્રાન્ચના ડીસીપીની અપીલ
રાજકોટમાં ભિક્ષા માગવાને બહાને ચોરી કરતી મહિલાઓની ગેંગ સક્રીય થઈ છે. જેને લઇને લોકોમાં ફફડાટ ફેલાયો છે. શહેરના કુવાડવા વિસ્તારમાં એકથી વધુ મહિલાઓ ભિક્ષા માંગવા માટે પહોંચી હતી. જ્યારે મકાન માલિક ભિક્ષા લેવા માટે ઘરની અંદર જાય છે ત્યારે ચોર મહિલા ગેંગના કેટલાક સભ્યો ઘરમાં કેટલીક જગ્યાએ છુપાઈ જાય છે. ત્યારબાદ આ લોકો મકાનની કિંમતી ચીજ વસ્તુઓ ચોરીને નાસી છૂટે છે.આ ગેંગને ઝડપવા માટે પોલીસ દ્વારા પણ અલગ અલગ ટીમો બનાવી તેને પકડી પાડવા માટેની કામગીરી હાથ ધરી છે.જોકે પોલીસની સાથે લોકોને પણ જાગૃત થવા ક્રાઈમ બ્રાન્ચના ડીસીપીએ અપીલ કરી હતી.
શહેર પોલીસ પણ એલર્ટ મોડમાં
જો તમારા ઘરે ભિક્ષા માગવા મહિલાઓ આવે છે તો ચેતજો કેમકે રાજકોટમાં એક એવી ગેંગ સક્રિય થઈ છે કે જેમણે શહેરીજનોની ચિંતા વધારી દીધી છે. આ ગેગને ઝડપવા પોલીસ પણ એલર્ટ થઈ છે. આ ગેંગની ઝડપવા માટે પોલીસ દ્વારા પણ અલગ અલગ ટીમો બનાવી તેને ઝડપવા માટેની કામગીરી હાથ ધરી છે આ મહિલાઓની કરતુત સીસીટીવી કેમેરામાં કેદ થઈ છે. શહેરના કુવાડવા વિસ્તારમાં મહિલાઓની આ ગેંગ કરતું તો સામે આવી છે.
શંકાસ્પદ હરકત જણાય તો પોલીસને જાણ કરવી : ક્રાઈમ બ્રાન્ચના ડીસીપી
રાજકોટ ક્રાઈમ બ્રાન્ચના ડીસીપી પાર્થ રાજ ગોહિલે આ અંગે જણાવ્યું હતું કે શહેરના કુવાડવા વિસ્તારમા એક મહિલા ભિક્ષા માંગતી હતી જ્યારે તેની સાથે આવેલ અન્ય લોકો સંતાઈને ચકાસણી કરતાં હતા. ત્યારબાદ તેઓ ચોરીની ઘટનાને અંજામ આપી કિંમતી ચીજ વસ્તુઓ ચોરીને નાસી છૂટે છે. આથી આ અંગે ક્રાઈમ બ્રાન્ચના ડીસીપીએ અપીલ કરી હતી આ અંગે તેમણે કહ્યું હતું કે જો કોઈ મહિલાઓની ગેંગ આ રીતે ભિક્ષા માગવા આવે છે તો તેમને ભિક્ષા આપતા પહેલા સાવધાન થઈ જવું ખાસ કરીને ઘરમાં પ્રવેશ આપતા પહેલા જ ઘરના દરવાજામાંથી બહાર તપાસ કરી લેવી અને આવા વ્યક્તિઓથી વધુ સાવધાન રહેવું. કોઈ શંકાસ્પદ હરકત જણાય તો તાત્કાલિક નજીકના પોલીસ સ્ટેશનમાં જાણ કરવી.
