IPL 2023 / ધોનીની આવી દિવાનગી... આખું સ્ટેડિયમ ગુંજી ઉઠ્યું, પરેશાન થઈ ગયા ડેની મોરિસન, ટોસ દરમિયાન થઈ કમાલની ઘટના

• DC vs CSKની મેચમાં ચેન્નઈ જીતી ટોસ
• ધોની-ધોનીનાં નારાઓથી ગૂંજી ઊઠ્યું સ્ટેડિયમ
• પ્રેઝેંટર મોરિસનને અવાજ ન સંભળાતા બોલી ઊઠ્યાં હિંદી

DC vs CSK IPL 2023: ચેન્નઈ અને દિલ્હી વચ્ચે હાલમાં અરુણ જેટલી સ્ટેડિયમમાં મેચ ચાલી રહી છે. ત્યારે બંને ટીમની વચ્ચે જ્યારે ટૉસની પ્રક્રિયા ચાલી રહી હતી ત્યારે એક નવીન ઘટના બની છે જે હાલ ખુબ ચર્ચાઈ રહી છે. ટૉસ દરમિયાન જ્યારે બંને ટીમનાં કેપ્ટન ફિલ્ડ પર ઊતર્યાં ત્યારે ધોનીનાં ફેન્ઝ 'ધોની-ધોની'ની બૂમો પાડવા લાગ્યાં હતાં. ત્યારે ડેની મોરિસનનો પ્રતિભાવ નોંધનીય બન્યો. જુઓ વીડિયો.

🚨 Toss Update 🚨@ChennaiIPL win the toss and elect to bat first against @DelhiCapitals.

Follow the match ▶️ https://t.co/ESWjX1m8WD #TATAIPL | #DCvCSK pic.twitter.com/b13K9cKoyV

— IndianPremierLeague (@IPL) May 20, 2023

પ્રેઝેંટર ડેની મોરિસન હિંદીમાં બોલી ઊઠ્યાં 
ફેન્ઝનો આ અવાજ એટલો બુલંદ હતો કે ટોસ દરમિયાન પ્રેઝેંટર ડેની મોરિસન હિંદીમાં બોલી ઊઠ્યાં 'આરામથી...આરામથી...'. જ્યારે મહેન્દ્રસિંહ ધોની ટોસ જીત્યાં ત્યારે મોરિસનને ફેન્ઝનાં અવાજને લીધે કંઈ સંભળાઈ રહ્યું નહોતું. તેથી તેઓ ઈશારો કરીને પૂછવાં લાગ્યાં કે બેટિંગ કે બોલિંગ? ત્યારે ધોનીએ બેટિંગનો ઈશારો કર્યો. ધોનીનાં ચહેરા પર એ સમયે હળવું સ્મિત હતું. 

તમે મેચ રમવા ઈચ્છો છો અને જીતવા ઈચ્છો છો- ધોની
તો બીજી તરફ ધોનીએ ટોસ જીત્યાં બાદ ઈન્ટરવ્યૂમાં કહ્યું કે 'અમે બેટિંગ કરશું. અમે પહેલી ગેમથી જ જીતવાનાં પ્રયાસો કરી રહ્યાં છીએ. ટીમમાં પણ કોઈ ફેરફાર કરવામાં આવ્યાં નથી. તેમણે કહ્યું કે દિવસની મેચ છે, પિચ પણ ધીમી થઈ જશે કારણકે મેચ આગળ વધશે. આ જ કારણ છે કે અમે પહેલાં બેટિંગ કરવા ઈચ્છીએ છીએ. હું ઈચ્છું છું કે ટીમનાં યુવા ખેલાડીઓ શીખે.'