રાજકોટઃ શાપર વેરાવળમાં છુટક મજૂરી કરતા એક યુવકને બાંધીને બેફામ રીતે ફટકારવામાં આવતા યુવકનું મોત થયું છે. યુવાને ચોરી કરી હોવાના આરોપસર રાદડીયા ઇન્ડસ્ટ્રીઝના કારખાનામાં ઢોર માર મારવામાં આવ્યો હતો. જેના કારણે ગંભીર ઈજા પામેલા યુવાનનું મોત નિપજ્યું હતું. મૃતક યુવક અને તેની પત્નિ આસપાસના કારખાનામાં કચરો વિણી અને પોતાનું ગુજરાન ચલાવતા હતા.
આ સમગ્ર ઘટનાનો વીડિયો પણ વાયરલ થયો છે. જેમાં જોઈ શકાય છે કે કેટલાક શખ્સો યુવકને બેરહેમીથી માર મારી રહ્યા છે. યુવક હાથ જોડીને માફી માગી રહ્યો છે. પરંતુ આવેશમાં આવી ગયેલા શખ્સો તેની એક વાત નથી સાંભળતા. યુવક સાથે તેની પત્નીને પણ માર માર્યાનો આક્ષેપ છે.
જો કે હાલ આ સમગ્ર મામલે પોલીસે વધુ તપાસ શરૂ કરી છે. યુવકને માર મારનારા શખ્સોની શોધખોળ શરૂ કરી છે. યુવકને મારમારનાર શખ્સો રાદડિયા ઈન્ડસ્ટ્રીઝના જ કારખાનેદારો અને માણસો હોવાનું પ્રાથમિક તપાસમાં સામે આવ્યું છે.
'Mr. Mukesh Vaniya belonging to a scheduled caste was miserably thrashed and murdered by factory owners in Rajkot and his wife was brutally beaten up'.#GujaratIsNotSafe4Dalitpic.twitter.com/ffJfn7rNSc
રાજકોટમાં જાણે કાયદો અને વ્યવસ્થાની જાણે કોઈ બીક જ ના હોય દિવસેને દિવસે કાયદો અને વ્યવસ્થાની એસી તેસી કરતી ઘટનાઓ સામે આવે છે. હજુ તો શહેરના ગોંડલ રોડ પર ધોળા દિવસે લૂંટની ઘટનાના આરોપીઓને ઝડપવામાં પોલીસને સફળતા મળી છે. ત્યાં તો વધુ એક કાયદો અને વ્યવસ્થાને પડકારતો કિસ્સો સામે આવ્યો છે. રાજકોટના સાપરમાં ધોળા દિવસે 35 વર્ષના યુવકને ઢોર મારમારી હત્યા કરવાની ઘટના સામે આવી છે. સમગ્ર ઘટનાનો વીડિઓ પણ સામે આવ્યો છે જેમાં પણ જોઇ શકાય છે કે કઈ રીતે મજૂરી કરતા યુવકને દરવાજા સાથે બાંધી માર મારવામાં આવી રહ્યો છે.
રંગીલા રાજકોટને રક્ત રંજીત કરતો આ વીડિઓ સામે આવતા જ પોલીસે તપાસનો ધમધમાટ શરૂ કર્યો છે. વિડિઓમાં દેખાઈ રહેલા શકશો દ્વારા કોઈ પણ ડર ના હોય સમગ્ર ઘટનાનો વિડિઓ પણ બનાવ્યો છે. શુ ખરેખર મૃતક ચોરીનો પ્રયાસ કરી રહ્યો હતો કે પછી આરોપીઓ પોતાનો ખોફ જમાવવા આ પ્રકારની હરકત કરી રહ્યા હતા તે તો તપાસ નો વિષય છે. જોકે શુ જાહેરમાં કાયદો અને વ્યવસ્થાની એસી તેસી કરતા આ નરાધમોને પોલીસ કાયદાનું ભાન કરાવશે શુ મૃતકના પરિવારજનોને યોગ્ય ન્યાય મળશે તેતો જોવું રહ્યું.