વાવાઝોડું / Asani આફત બની આવ્યું: બંગાળમાં હાઈઍલર્ટ અપાતાં CM બેનર્જીએ રદ્દ કર્યો પ્રવાસ, 24 કલાક 'ભારે'

• ભારતના પૂર્વમાં વધુ એક વાવાઝોડાનું અલર્ટ
• બંગાળ, ઓડિશા અને આંધ્રમાં Asani Cyclone નું આફત 
• અસાની વાવાઝોડાના પગલે મમતા બેનર્જીએ રદ્દ કર્યા પ્રવાસ 

Asani Cyclone: ભારતમાં દર વર્ષે દરિયાકિનારાના રાજ્યોને અનેક વાર વાવાઝોડાનો સામનો કરવો પડતો હોય છે ત્યારે ભરઉનાળે બંગાળની ખાડીમાં એક ચક્રવાત તૈયાર થઈ રહ્યું છે. આ ચક્રવાતનું નામ છે અસાની. ચક્રવાતના કારણે પશ્ચિમ બંગાળ, ઓડિશા, આંધ્ર પ્રદેશમાં હાઇ અલર્ટ આપી દેવામાં આવ્યું છે અને આગામી 24 કલાકમાં ચક્રવાત તેજ બને તેવી આગાહી વ્યક્ત કરવામાં આવી છે. 

પશ્ચિમ બંગાળમાં અપાયું હાઇઍલર્ટ 
નોંધનીય છે કે રવિવારે મોડી સાંજે ચલરવાત ઓડિશાના પુરી જીલાથી 1000 કિમી દૂર હતો અને 10 મે સુધી તે પશ્ચિમ બંગાળ પહોંચી શકે છે. બંગાળમાં ચક્રવાત સામે સંપૂર્ણ તૈયારી કરવા માટે તંત્રને સરકાર દ્વારા આદેશ આપવામાં આવ્યા છે. NDRF, SDRF અને નેવી પણ અલર્ટ મોડ પર છે. 

મમતા બેનર્જીએ પોતાના પ્રવાસ રદ્દ કર્યા 
વાવાઝોડાના કારણે મમતા બેનર્જીએ પોતાના પ્રવાસ રદ્દ કરી દીધા છે. તેઓ આગામી સપ્તાહમાં ત્રણ ત્રણ દિવસના બે કાર્યક્રમોમાં જવાના હતા. 

માછીમારોને દરિયો ન ખેડવાની સૂચના 
વાવાઝોડાની અસરના કારણે મંગળવારે ઓડિશા અને બંગાળમાં અનેક જગ્યાઑ પર હળવો વરસાદ પડે તેવી આગાહી વ્યક્ત કરવામાં આવી છે. માછીમારોને સૂચના આપવામાં આવી છે કે આગામી 10મી મે સુધી બંગાળ અને ઓડિશાના તટો પર જવું નહીં. 

ક્યારે બગડશે પરિસ્થિતિ? 
નોંધનીય છે કે IMD અનુસાર 10મી મેના રોજ પરિસ્થિતિ સૌથી વધારે ખરાબ થવાની સંભાવના છે જેમાં પવન 90 કિમી પ્રતિ કલાકની ઝડપે ફૂંકાઈ શકે છે. 

અસાની નો અર્થ શું છે? 
નોંધનીય છે કે આ વાવાઝોડાનું નામ Asani Cyclone આપવામાં આવ્યું છે જેનો અર્થ થાય છે ક્રોધ. સિંહલી ભાષામાં આ શબ્દ વાપરવામાં આવે છે.