Health Tips / દહીં સાથે મિક્ષ કરીને ખાવ આટલી વસ્તુઓ, દૂર થશે ઘણી બધી બીમારીઓ

• દહીં સાથે મિક્ષ કરીને ખાઓ આ વસ્તુઓ 
• સ્વાસ્થ્યને થશે ઘણા ફાયદો 
• પેટ સંબંધિ મુશ્કેલીઓ પણ થશે દૂર 

દહીં ખાવું સ્વાસ્થ્ય માટે ખૂબ જ ફાયદાકારક છે. પરંતુ શું તમે જાણો છો કે ઘણી વસ્તુઓ મિક્સ કરીને દહીંનું સેવન કરવાથી કેટલીક બીમારીઓ દૂર થાય છે. દહીંમાં કેલ્શિયમ, પ્રોટીન અને વિટામિન્સ ભરપૂર માત્રામાં હોય છે. તેની સાથે તેમાં લેક્ટોઝ, આયર્ન અને ફોસ્ફરસ પણ હોય છે. જે તમારા સ્વાસ્થ્ય માટે ખૂબ જ ફાયદાકારક છે. આવો જાણીએ દહીં સાથે કઈ વસ્તુઓ મિક્સ કરીને ખાવાથી શું ફાયદા થાય છે.

દહીં અને જીરું
દહીં અને જીરું સ્વાસ્થ્ય માટે ખૂબ જ ફાયદાકારક છે. જો તમે તમારા વધતા વજનથી પરેશાન છો, તો તમે દહીં સાથે જીરું ખાઈ શકો છો. તમને ચોક્કસ ફાયદો થશે. આ માટે તમે જીરાને શેકી લો. આ પછી તેને દહીંમાં ભેળવીને તેનું સેવન કરો.

દહીં અને ખાંડથી તમને મળશે આ ફાયદા
દહીં અને ખાંડ તમારા સ્વાસ્થ્ય માટે પણ ફાયદાકારક છે. આ બંનેનું એકસાથે સેવન કરવાથી કફની સમસ્યા પણ દૂર થાય છે. આ સાથે તમારા શરીરને ઈન્સ્ટન્ટ એનર્જી પણ મળે છે.

દહીં અને સિંધાલૂણ
દહીં અને સિંધાલૂણ સામાન્ય રીતે ઉપવાસ દરમિયાન ખાવામાં આવે છે. તમને જણાવી દઈએ કે બંનેનું સેવન કરવાથી એસિડિટીની સમસ્યા ઓછી થાય છે.

દહીં અને અજમાથી પણ થશે ફાયદો 
દહીં અને અજમાના બીજ પણ તમને ઘણી બીમારીઓથી દૂર રાખે છે. જો તમને દાંતના દુખાવાની ફરિયાદ હોય તો તેનું સેવન કરવું જોઈએ. તેના સેવનથી મોઢામાં પડતા ચાંદામાંથી પણ રાહત મળશે.

દહીં અને કાળા મરીથી પણ ફાયદો થશે
દહીં અને કાળા મરીથી તમને ઘણા ફાયદા થશે. તેનાથી વાળ ખરવાની સમસ્યા પણ ઓછી થશે. આ માટે ત્રણ ચમચી દહીંમાં બે ચમચી કાળા મરીનો પાવડર ઉમેરીને પેસ્ટ તૈયાર કરો. આ પછી આ પેસ્ટને વાળમાં લગાવો અને એક કલાક સુધી આમ જ રહેવા દો, પછી વાળ ધોઈ લો. આમ કરવાથી વાળ પણ સિલ્કી બનશે અને વાળ ખરવાની ફરિયાદ પણ ઓછી થશે.