CUET-UG Phase-4 / મોટા સમાચાર: ફરી મોકૂફ થઈ કોલેજ એડમિશન માટેની પરીક્ષા, જાહેર કરાઇ નવી તારીખ

• CUET-UG ની પરીક્ષાની માહિતી
• 3.72 લાખ ઉમેદવારો પરીક્ષા આપશે
• 11,000 ઉમેદવારોમની પરીક્ષા મુલતવી રહેશે

સેન્ટ્રલ યુનિવર્સિટી પ્રવેશ પરીક્ષા-ગ્રેજ્યુએટ (CUET-UG) ના ચોથા તબક્કામાં ભાગ લેનારા 11,000 ઉમેદવારોની પરીક્ષા 30 ઓગસ્ટ સુધી મુલતવી રાખવામાં આવી છે, જેથી પરીક્ષા કેન્દ્રની તેમની પસંદગીના શહેરને સમાવી શકાય. અધિકારીઓએ શનિવારે આ માહિતી આપી હતી. CUET-UGની પરીક્ષાનો ચોથો તબક્કો 17 થી 20 ઓગસ્ટ દરમિયાન યોજાવાનો હતો અને તેમાં 3.72 લાખ ઉમેદવારો ભાગ લેવાના હતા. પરીક્ષાઓ યોજવાની જવાબદારી સંભાળતી નેશનલ ટેસ્ટિંગ એજન્સી (NTA)એ અગાઉ જાહેરાત કરી હતી કે પરીક્ષાઓના તમામ તબક્કા 28 ઓગસ્ટે પૂર્ણ થશે.

11,000 ઉમેદવારોની પરીક્ષા મુલતવી રહેશે
યુજીસીના ચેરમેન જગદેશ કુમારે જણાવ્યું હતું કે, "ચોથા તબક્કામાં ભાગ લેનારા 3.72 લાખ ઉમેદવારોમાંથી 11,000 ઉમેદવારોની પરીક્ષા 30 ઓગસ્ટ સુધી મુલતવી રાખવામાં આવી છે, જેથી પરીક્ષા કેન્દ્ર માટે તેમની પસંદગીના શહેરને સમાવી શકાય." NTAએ પરીક્ષા કેન્દ્રોની ક્ષમતામાં વધારો કર્યો છે અને પરીક્ષા કેન્દ્રોની ગુણવત્તા વધારવાની સાથે વધુ પરીક્ષા કેન્દ્રો બનાવવામાં આવ્યા છે. ''

 

A total of 3.72 lakh candidates will be appearing in Phase 4. There are about 11,000 candidates have been moved to Phase 6 and their examination will be held on 30 August 2022. They have also been intimated about their city of examination and exact date today: NTA

— ANI (@ANI) August 13, 2022

પરીક્ષા રદ થઇ હતી
મહત્વનું છે કે, CUETની પરીક્ષાના બીજા તબકકામાં ખામીઓને કારણે વિવિધ સેન્ટરો પર પરીક્ષા રદ કરવી પડી હતી.

24 થી 30 ઓગસ્ટે યોજાશે ફેઝ- 6
NTAએ જણાવ્યું હતું કે, ટેકનિકલ ખામીઓ અથવા પરીક્ષા કેન્દ્રો રદ થવાને કારણે ફેઝ 2 હેઠળ 4, 5 અને 6 ઓગસ્ટે પરીક્ષા આપી શક્યા ન હોય તેવા વિદ્યાર્થીઓને 24 ઓગસ્ટથી 30 ઓગસ્ટ વચ્ચે ફેઝ 6માં પરીક્ષા આપવાની મંજૂરી આપવામાં આવશે. તેમના એડમિટ કાર્ડ 20 ઓગસ્ટે જાહેર કરવામાં આવશે.

 

Some candidates who were scheduled to take the Exam in Phase 3 ie 7, 8 & 10 Aug were informed that they will be taking the Examination on 21, 22 & 23 Aug. Their Admit Cards mentioning centres of exam will be released on 17 Aug. Their dates & cities of exams being given today: NTA

— ANI (@ANI) August 13, 2022

ફેઝ-3 ની વિગતો આજે જાહેર થશે 
જે ઉમેદવારોની પરીક્ષા ફેઝ-3 કે જે 7, 8 અને 10 ઓગસ્ટના રોજ યોજાવાની હતી, તેમનું પેપર હવે 21, 22 અને 23 ઓગસ્ટે લેવામાં આવશે. તેમના એડમિટ કાર્ડ 17 ઓગસ્ટે જાહેર કરવામાં આવશે. તેમની પરીક્ષાની તારીખ અને શહેરની વિગતો આજે જાહેર કરવામાં આવી છે.