સોશિયલ મીડિયા પર અવારનવાર અવનવાં પ્રકારનાં વીડિયો વાયરલ થતાં હોય છે કે જે લોકો માટે મનોરંજન બની જાય છે. ત્યારે તાજેતરમાં સોશિયલ મીડિયામાં એક વીડિયો હાલમાં ટ્વિટર પર વાયરલ થઇ રહ્યો છે. જેને લોકોનાં દિલ જીતી લીધાં છે. આ વીડિયો સાથે એક મેસેજ પણ આપવામાં આવ્યો છે કે 'જો કાગડો કરી શકે તો આપણે કેમ નહીં?'
આ વીડિયોમાં જોવાં મળી રહ્યું છે કે એક કાગડો પ્લાસ્ટિકની એક બોતલ લઇને આવે છે અને તેને ડસ્ટબિનમાં નાખી દે છે. જ્યાં સામાન્ય રીતે લોકો પાણી અથવા કોલ્ડ ડ્રિંક્સ પીને બોતલને જ્યાં-ત્યાં ફેંકી દેતા હોય છે, જ્યારે અહીં કાગડો તેવાં લોકોને સંદેશ મોકલવાની કોશિશ કરી રહ્યો છે કે તમે કચરો જ્યાં-ત્યાં ન ફેંકીને તેને ડસ્ટબિનમાં નાખી દેજો.
આ વીડિયોને સુશાંત નંદા નામનાં એક શખ્સે પોતાનાં ટ્વિટર પર 22 ઓગસ્ટનાં રોજ શેર કર્યો હતો જેને અત્યાર સુધીમાં 15 હજારથી પણ વધારે જોવામાં આવી ચૂક્યો છે. ત્યારે આ વીડિયો પર અત્યાર સુધી 1500થી વધારે વાર લાઇક્સ આવી ચૂકેલ છે કે જ્યારે વીડિયોને 600થી વધારે વાર રિટ્વિટ કરવામાં આવી ચૂકેલ છે.