ક્રિકેટર શમીની પત્ની હસીન જહાને કર્યો મોટો ખુલાસો જાણો શું

ભારતીય ક્રિકેટર મોહંમદ શમી પોતાના પરિવારના સંબંધોને કારણે હાલ ચર્ચામાં છે. ત્યારે હાલમાં જ શમીએ પોતાની પત્નીની વિરુદ્ધ અનેક ખુલાસા કર્યા હતા જેના બાદ તેની પત્ની હસીન જહાએ કહ્યું કે તેણે ક્યારેય પણ શમી પર મેચ ફિક્સિંગનો આરોપ લગાવ્યો નથી. હસીને કહ્યું કે હું આ મામલાને અદાલતમાં લાવવા નથી માંગતી. 

જે રીતે શમી મને છેલ્લા બે વર્ષથી ટ્રીટ કરી રહ્યો છે તેણે જ મને આ પગલુ ભરવા મજબૂર કરી છે અને જો મને ફોન ન મળ્યો હોત તો તેણે મને છોડી દીધી હોત. મેં મારી દરેક વાતચીતમાં શમીને સમજાવવાનો પ્રયાસ કર્યો હતો પણ તે તૈયાર ન હતો.

હસીને વધુમાં જણાવ્યું કે શમી જુઠ્ઠો છે તે પોતાને બચાવવા માટે ખોટુ બોલી રહ્યો છે. અમારી છેલ્લી વાતચીત વોટ્સએપ કોલ દરમિયાન થઈ હતી. આ કોલ કરવાનું પ્લાનિંગ તેના દ્વારા કરાયું હતું. તેમણે મને પૂછ્યું હતું કે આપણે કેવી રીતે આપણા પરિવારને બચાવી શકીએ છીએ. મેં તેને માફી માંગવા અને તમામ ભૂલોનો સ્વીકાર કરવા કહ્યું હતું.